महिला उद्यमीसँग नीतिगत सुधारबारे छलफल गर्दै प्रधानमन्त्री बालेन

 

काठमाण्डौ । प्रधानमन्त्री बालेन शाहले महिला उद्यमी महासंघका पदाधिकारीहरूसँग महिला उद्यमशीलता प्रवर्द्धन तथा नीतिगत सुधारका विषयमा छलफल गर्दै छन्।

प्रधानमन्त्री तथा मन्त्रिपरिषद्को कार्यालयमा हुने छलफलमा उद्योग तथा व्यवसाय क्षेत्रमा महिलाको सहभागिता बढाउने, महिला उद्यमीले भोगिरहेका समस्या समाधान गर्ने तथा उद्यममैत्री नीति निर्माण गर्ने विषयमा संवाद हुने प्रधानमन्त्रीको सचिवालयले जनाएको छ।

छलफलमा महिला उद्यमी महासंघका तर्फबाट अध्यक्ष दर्शना श्रेष्ठ, तृतीय उपाध्यक्ष महालक्ष्मी श्रेष्ठ, महासचिव सविता सुवेदी, सचिव डिकिला शेर्पा लामा र कार्यकारिणी सदस्य अनुजा राजभण्डारी श्रेष्ठ सहभागी हुनेछन्।

महासंघका प्रतिनिधिहरूले महिला उद्यमीका लागि वित्तीय पहुँच सहज बनाउनुपर्ने, व्यवसाय सञ्चालनका क्रममा देखिएका नीतिगत तथा प्रशासनिक अवरोध हटाउनुपर्ने र महिला नेतृत्वका उद्योगलाई थप प्रोत्साहन गर्नुपर्ने विषय उठाउने अपेक्षा गरिएको छ।