.gif)
_(1).gif)
.jpg)
.png)
काठमाण्डौ । नेपाल धितोपत्र बोर्ड(सेबोन)ले आगामी जेठेदेखि लागू हुनेगरी ब्रोकर कमिसन घटाउने तयारी गरेको छ । नेपाल धितोपत्र बोर्डको वैशाख २३ गते बसेको सञ्चालक समितिको बैठकले ब्रोकर कमिसन घटाउने निर्णय गरेको हो ।
सो निर्णयमा सबै सञ्चालकले हस्ताक्षर गर्न भने बाँकी रहेको छ । राष्ट्र बैंकबाट सेबोनमा प्रतिनिधित्व गर्ने धितोपत्र बोर्डका सञ्चालक प्रकाश कुमार श्रेष्ठले ब्रोकर कमिसन घटाउने विषय माईनुटिङ भएको बताए । ‘ब्रोकर कमसिन घटाउने विषयमा माईनुटिङ गर्ने काम भएको छ । कमसिन घटाउने निर्णय सर्वसम्मत भयो भने आगामी जेठेदेखि लागू हुनेछ ।’ श्रेष्ठले भने ।
धितोपत्र बोर्डका तत्कालीन अध्यक्ष रमेशकुमार हमालको कार्यकालमा बोर्डले गत कात्तिक १ गते ब्रोकर कमिसनलाई समय सान्दर्भिक बनाउनका लागि केही घटाउने निर्णय गर्दै अर्थमन्त्रालयमा अनुमोदनका लागि सिफारिस गरेको थियो । तर, त्यो फाइल लामो समयसम्म अर्थमन्त्रालयमै अड्किएको थियो । अर्थ मन्त्रालयले मन्त्रीस्तरीय निर्णय भन्दै ब्रोकर कमिसन घटाउने पुरानो सिफारिसलाई अगाडि बढाउन सकिने आशयको पत्र गत साता धितोपत्र बोर्डलाई पठाएको थियो ।
(1).gif)
तर धितोपत्र बोर्डले कात्तिकमा गरेको सिफारिसअनुसार ब्रोकर कमिसन घटाउने सञ्चालक समितिबाट समेत निर्णय भएमा लगानीकर्ताले ५० हजार रुपैयाँसम्मको कारोबारमा ०.३६ प्रतिशत, ५० हजारदेखि ५ लाख रुपैयाँसम्मको कारोबारमा ०.३३ प्रतिशत, ५ लाखदेखि २० लाख रुपैयाँसम्मको कारोबारमा ०.३० प्रतिशत, २० लाखदेखि १ करोड रुपैयाँसम्म ०.२७ प्रतिशत र १ करोड रुपैयाँ भन्दा माथिको कारोबारमा ०.२४ प्रतिशत ब्रोकर कमिसन तिर्नुपर्ने हुन्छ ।
सेयर लगानीकर्ताले अहिले भने ५० हजार रुपैयाँसम्मको कारोबारमा ०.४० प्रतिशत, ५० हजारदेखि ५ लाख रुपैयाँसम्मको कारोबारमा ०.३७ प्रतिशत, ५ लाखदेखि २० लाख रुपैयाँसम्मको कारोबारमा ०.३४ प्रतिशत, २० लाखदेखि १ करोड रुपैयाँसम्मको कारोबारमा ०.३० प्रतिशत र १ करोड रुपैयाँमाथिको कारोबारका लागि ०.२७ प्रतिशत ब्रोकर कमिसन बुझाउँदै आएका छन् ।
धितोपत्र बोर्डमा अर्थमन्त्रालयका सहसचिव रितेशकुमार शाक्य समेत सञ्चालक रहेका छन् । कानून, न्याय मन्त्रालयका सहसचिव दलबहादुर अधिकारी, नेपाल राष्टबैंकका कार्याकारी निर्देशक डा. प्रकाशकुमार श्रेष्ठ लगायतका सरकारी अधिकारी समेत धितोपत्र बोर्डमा सञ्चालक रहेका छन् । उनीहरुको भूमिकामा पनि ब्रोकर कमिसन घटाउने निर्णय हुनेरनहुने निर्भर रहेको स्रोत बताउँछ ।
.gif)
.png)
.jpg)
.gif)
.gif)
