.gif)
_(1).gif)
.jpg)
.png)
काठमाण्डौ । बीमा कम्पनीहरुमा सर्वाधिक रोजगार दिने हिमालयन लाइफ इन्स्योरेन्सले कर्मचारी सुविधाका लागि साढे ६४ करोड रुपैयाँ छुट्याएको छ ।
कम्पनीले चालु आर्थिक वर्षको तेस्रो त्रैमाससम्म कर्मचारी सेवा सुविधाका लागि ६४ करोड ४० लाख ९४ हजार रुपैयाँ छुट्याएको छ । तर यो रकम गत आवको यसै अवधिसम्मको तुलनामा ४.४४ प्रतिशतले कम हो । गत आवको यसै अवधिसम्म कम्पनीले कर्मचारी सुविधाका लागि ६७ करोड ४० लाख रुपैयाँ छुट्याएको थियो ।
चैत मसान्तसम्म हिमालयन लाइफ इन्स्योरेन्सको २१८ शाखा कार्यालयमा कार्यरत कर्मचारी संख्या ७६८ जना रहेका छन् । कम्पनीले बीमा कम्पनीहरुमा सर्वाधिक रोजगारको अवसर दिएको छ ।
तर कम्पनीले कर्मचारी थप्दै जाँदा कर्मचारीलाई प्रदान गर्ने सुविधा खर्च रकम भने घटाएको छ । कम्पनीले तलब, भत्ता, विदा भत्ता, बोनस, पेन्सन सुविधा लगायत विभिन्न शीर्षकमा छुट्याउने रकम घटाएको हो ।
(1).gif)
बीमा कम्पनीहरुले वित्तीय विवरणमा कर्मचारी लाभ खर्च शिर्षक छुट्याएका हुन्छन् । यस्तो शिर्षकले कम्पनीले आफ्ना कर्मचारीहरुलाई सुविधा दिन वा फाइदा पुर्याउन खर्चिएको रकम बुझिन्छ । यस्ता खालका रकम नगद वा गैह्र–नगद पनि हुन सक्छ ।
जसमा न्यूनतम पारिश्रमिक प्राप्त गर्ने कर्मचारीहरुलाई स्वास्थ्य बीमा लगायत अन्य लत्ताकपडा वा अन्य वस्तु किनमेल खर्चको समेत व्यवस्था रहेको हुन्छ । साथै केही कम्पनीहरुले कर्मचारीको कामको प्रशंसा वापत समेत यस्ता शिर्षकमा रकम छुट्याएका हुन्छन् ।
कर्मचारी लाभको लागि रकम छुट्याउँदा बफादार जनशक्ति, कामप्रति निष्ठा, कम्पनीको व्यवसायमा प्रगति, स्वस्थ टिम र कर्मचारीको क्षमतामा अभिबृद्धि हुन सक्ने जस्ता फाइदाहरु हुन सक्छन् । यसका लागि पनि कम्पनीहरुले कर्मचारी लाभको लागि रकम छुट्याएका हुन्छन् ।
तर हिमालयन लाइफ इन्स्योरेन्सले ठूलो संख्यामा कर्मचारी राखेपनि कर्मचारीलाई दिने सेवा सुविधाको रकम घटाएको छ । यसले कम्पनीको व्यवसायमा समेत धक्का पुग्ने सक्ने सम्भावना देखिन्छ ।
.gif)
.png)
.jpg)
.png)
.jpg)
.gif)
(1).gif)
.gif)
