विश्व लगानीकर्ता सप्ताहमा मुक्तिनाथ क्यापिटलको वित्तीय साक्षरता कार्यक्रम

काठमाण्डौ ।  विश्व लगानीकर्ता सप्ताह २०२६ (World Investor Week, 2026) को अवसरमा मुक्तिनाथ क्यापिटल लिमिटेडले वित्तीय साक्षरता कार्यक्रम सम्पन्न गरेको छ।

कम्पनीले काठमाडौंको चाबहिलस्थित रिलायन्स कलेजमा असोज २३ गते उक्त कार्यक्रम आयोजना गरेको हो।

विद्यार्थीहरूमा धितोपत्र तथा पूँजीबजारसम्बन्धी ज्ञान र सचेतना अभिवृद्धि गर्ने उद्देश्यले आयोजित कार्यक्रममा स्नातक तहमा अध्ययनरत करिब १०० जना विद्यार्थी सहभागी भएका थिए।

कार्यक्रममा धितोपत्र व्यवसायअन्तर्गत मर्चेन्ट बैंकरका गतिविधि, शेयर लगानीका आधारभूत विषय, लगानीमा हुने जोखिम व्यवस्थापन तथा सुरक्षित लगानीका अभ्यासबारे जानकारी प्रदान गरिएको थियो।

कार्यक्रममार्फत विद्यार्थीलाई पूँजीबजारमा लगानी गर्दा अपनाउनुपर्ने सावधानी, जोखिमको पहिचान तथा व्यवस्थापन र सूचनामा आधारित लगानी निर्णयको महत्वबारे समेत सचेत गराइएको थियो।