सोमबार, कार्तिक ३०,२०८३ 05:54:29
  • सोमबार, कार्तिक ३०,२०८३ 05:54:29
Global IME Bank Limited

स्थानीय तह निर्वाचन चैत ५ भित्रै गर्नुपर्ने, मंसिर पहिलो साता मिति घोषणा गर्ने तयारी

Bizshala
स्थानीय तह निर्वाचन चैत ५ भित्रै गर्नुपर्ने, मंसिर पहिलो साता मिति घोषणा गर्ने तयारी
New Office

 

काठमाण्डौ । सरकारले आगामी स्थानीय तह निर्वाचनको मिति घोषणा गर्ने तयारी अघि बढाएको छ। निर्वाचन आयोगले वर्तमान जनप्रतिनिधिको कार्यकाल समाप्त हुनुअघि निर्वाचन सम्पन्न गर्नुपर्ने कानुनी व्यवस्था स्मरण गराउँदै सरकारलाई चैत ५ गतेभित्र निर्वाचन गराउन सुझाव दिएको हो।

निर्वाचन आयोगसँगको परामर्शपछि सरकारले निर्वाचनको मिति निर्धारण गर्ने गृहकार्य अघि बढाएको छ। आयोगले निर्वाचन तयारीका लागि कम्तीमा १२० दिन अर्थात् चार महिनाको समय आवश्यक पर्ने जनाएको छ।

२०७९ वैशाखमा सम्पन्न स्थानीय तह निर्वाचनबाट निर्वाचित जनप्रतिनिधिहरूले सोही वर्ष जेठ ५ गतेदेखि कार्यभार सम्हालेका थिए। उनीहरूको पाँचवर्षे कार्यकाल सकिनुभन्दा दुई महिनाअघि नै नयाँ निर्वाचन सम्पन्न गर्नुपर्ने कानुनी व्यवस्था रहेको आयोगको भनाइ छ।

Shivam Cement
Mahalaxmi Development Bank
CG Motors

यसै आधारमा आयोगले आगामी चैत ५ गतेभित्र स्थानीय तह निर्वाचन सम्पन्न गर्ने गरी सरकारलाई उपयुक्त मिति सुझाएको हो।

निर्वाचन आयोगका प्रवक्ता नारायणप्रसाद भट्टराईले आयोगले निर्वाचनका लागि आवश्यक समयसीमा र कानुनी व्यवस्थाका आधारमा सरकारलाई सुझाव दिइसकेको जानकारी दिएका छन्।

उनका अनुसार निर्वाचन सञ्चालनका लागि १२० दिनको तयारी अवधि आवश्यक पर्छ। वर्तमान जनप्रतिनिधिको कार्यकाल सकिनुभन्दा दुई महिनाअघि नै मतदान सम्पन्न गर्नुपर्ने भएकाले चैतभित्र निर्वाचन गर्ने गरी आयोगले परामर्श दिएको हो।

Garima Development Bank
Bizshala
IME remit

आयोगको सुझावअनुसार चैत ५ गतेभित्र निर्वाचन सम्पन्न गर्ने हो भने सरकारले मंसिरको पहिलो सातामै मिति घोषणा गर्नुपर्ने देखिएको छ।

यसका लागि मन्त्रिपरिषद् बैठकबाट निर्वाचनको मिति तोक्ने तयारी भइरहेको छ।

प्राप्त जानकारीअनुसार राष्ट्रिय स्वतन्त्र पार्टीका सभापति रवि लामिछाने फर्किएपछि प्रधानमन्त्रीले आवश्यक परामर्श गरेर निर्वाचनको मिति निर्धारण गर्ने सम्भावना छ।

निर्वाचन आयोगले यसअघि नै निर्वाचनमा भाग लिने राजनीतिक दलहरूसँग परामर्श गरी सरकारलाई आफ्नो सुझाव पेस गरिसकेको छ।

Global IME Bank Limited

प्रतिक्रिया

0 प्रतिक्रिया
प्रतिक्रिया फारम तयार हुँदैछ...

अहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।

यो पनि हेर्नुहोस

Bizshala
Bizshala
Bizshala
IME remit
Shikhar Insurance
Mahalaxmi Development Bank

हाम्रो बारेमा

Bizshala.com, operated by SOS Media Pvt. Ltd., stands as Nepal's premier financial news portal. With a keen focus on the economy, capital markets, real estate, banking and financial institutions, merchant banking, investment tools, insurance, tourism, the automotive industry, and beyond, it delivers fresh, in-depth, and investigative reporting. Since its inception, Bizshala has rapidly emerged as the nation's leading economic news platform, driven by a team of seasoned and accomplished financial journalists. Committed to delivering investigative, accurate, and innovative content, Bizshala approaches every story through a distinct economic lens, catering to the interests and curiosities of its readers.