.gif)
_(1).gif)
.jpg)
काठमाण्डौ । बीमा कम्पनीहरुले सूचीकृत पब्लिक कम्पनीको साधारण सेयर (पुँजीबजार)मा २० अर्ब रुपैयाँ भन्दा बढी लगानी गरेका छन् । नेपाल बीमा प्राधिकरणका अनुसार जीवन, निर्जीवन, पुनर्बीमा र लघुबीमा कम्पनीले चालु आर्थिक वर्षको तेस्रो त्रैमाससम्म सेयरबजारमा २० अर्ब ६ करोड ४९ लाख रुपैयाँ लगानी गरेका छन् ।
चालु आवको ९ महिनासम्ममा १३ जीवन बीमा कम्पनी, १२ निर्जीवन बीमा कम्पनी, दुई पुनर्बीमा कम्पनी र एक लघुबीमा कम्पनी गरी कुल २८ बीमा कम्पनीले सेयरबजारमा लगानी गरेका छन् । जीवनतर्फ मेटलाइफ र निर्जीवतर्फ ओरियन्टल र नेशनल इन्स्योरेन्स कम्पनीमा विदेशी लगानी रहेकाले नेपाली सेयरबजारमा लगानी छैन ।
त्यस्तै, चालु आर्थिक वर्षभित्र सञ्चालनमा आएका ६ वटा लघुबीमा कम्पनीमध्ये लघुजीवनतर्फको लिवर्टी माइक्रो लाइफले मात्रै सेयरबजारमा लगानी गरेको छ ।
गत आर्थिक वर्षको यस अवधिसम्म २६ वटा बीमा कम्पनीले सेयरबजारमा १५ अर्ब ५ करोड १५ लाख रुपैयाँ लगानी गरेको थियो । यसर्थ गत आवको तुलनामा चालु आवमा बीमकहरुको सेयरबजारमा लगानी ३३.३१ प्रतिशतले बृद्धि भएको छ ।
नेपाल बीमा प्राधिकरणले लगानी निर्देशिका संशोधन गर्दै बीमा कम्पनीहरुले कायम चुक्तापुँजीको १५ प्रतिशत रकम सम्म सेयरबजारमा लगानी गर्न पाउने व्यवस्था गरेको छ । यसअघि बीमा कम्पनीले यस्तो क्षेत्रमा चुक्तापुँजीको ५ प्रतिशत रकम मात्रै लगानी गर्न पाउने व्यवस्था थियो ।
साथै लगानी निर्देशिका बमोजिम बीमा कम्पनीले कुल लगानीको १० प्रतिशत रकम मात्रै सूचीकृत पब्लिक कम्पनीको सेयरमा लगानी गर्न पाउने व्यवस्था छ । लगानीको दायरा बढेसँगै अधिकांश बीमा कम्पनीले पुँजीबजारमा लगानी बढाएका छन् ।
जीवन बीमा कम्पनीले ३२.५% ले बढाए लगानी
जीवन बीमा कम्पनीहरुले चालु आर्थिक वर्षको तेस्रो त्रैमाससम्म सूचीकृत पब्लिक कम्पनीको सेयरमा १५ अर्ब ९ करोड ८९ लाख रुपैयाँ लगानी गरेका छन् ।
यो लगानी गत आवको यसै अवधिसम्मको तुलनामा ३२.८५ प्रतिशलते बढी हो । गत आवको सो अवधिसम्म जीवन बीमा कम्पनीले सेयरबजारमा ११ अर्ब ३६ करोड रुपैयाँ लगानी गरेका थिए ।
तेस्रो त्रैमाससम्म सबैभन्दा बढी नेपाल लाइफले २ अर्ब ८६ करोड रुपैयाँ सेयरबजारमा लगानी गरेको छ । यो रकम गत आवको तुलनामा ३।६३ प्रतिशत बढी हो । गत आवमा नेपाल लाइफले २ अर्ब ७६ करोड रुपैयाँ पुँजीबजारमा लगानी गरेको थियो ।
त्यस्तै, दोस्रोमा हिमालयन लाइफले २ अर्ब ८३ करोड रुपैयाँ सेयरबजारमा लगानी गरेको छ । कम्पनीले पनि गत आवको तुलनामा यो क्षेत्रको लगानी ४४.५४ प्रतिशतले बढाएको छ । गत आवको यस अवधिसम्म कम्पनीले १ अर्ब ९६ करोड रुपैयाँ लगानी गरेको थियो ।
तर गत आवको तुलनामा यो क्षेत्रको लगानी भने सर्वाधिक आइएमई लाइफले बढाएको छ । गत आवको तेस्रो त्रैमाससम्म सेयरबजारमा ६ करोड २४ लाख रुपैयाँ मात्रै लगानी गरेको आइएमई लाइफले चालु आवको तेस्रो त्रैमाससम्म ८०६.०६ प्रतिशतले बढाएर ५६ करोड ५३ लाख रुपैयाँ पुर्याएको छ ।
(1).gif)
यसका साथै रिलायबल नेपाल लाइफले पनि गत आवको तुलनामा यो क्षेत्रको लागि २५२.२३ प्रतिशतले बृद्धि गरेको छ । चालु आवको तेस्रो त्रैमाससम्म कम्पनीले ७७ करोड ८५ लाख रुपैयाँ सेयरबजारमा लगानी गरेको छ ।
गत आवको तुलनामा एशियन लाइफ बाहेक सबै कम्पनीले सेयरबजारमा लगानी बढाएको छ । गत आवमा १ अर्ब ११ करोड रुपैयाँ सूचीकृत सेयरमा लगानी गरेको सो कम्पनीले चालु आवको यस अवधिसम्म जम्मा ८६ करोड रुपैयाँ मात्रै लगानी गरेको छ । यो लगानी गत आवको तुलनामा २२.०३ प्रतिशत कम हो ।
सेयरबजारमा निर्जीवन बीमकको साढे ३ अर्ब लगानी
चालु आवको तेस्रो त्रैमाससम्म निर्जीवन बीमा कम्पनीहरुले सूचीकृत पब्लिक कम्पनीको सेयरमा ३ अर्ब ४७ करोड ५९ लाख रुपैयाँ लगानी गरेका छन् ।
यो लगानी गत आवको तुलनामा १२.२२ प्रतिशतले बढी हो । गत आवको यस अवधिसम्म निर्जीवन बीमकहरुले सूचीकृत सेयरमा ३ अर्ब ९ करोड ७४ लाख रुपैयाँ लगानी गरेका थिए ।
सो अवधिसम्म सर्वाधिक राष्ट्रिय बीमा कम्पनीले सेयरबजारमा ८१ करोड ४४ लाख रुपैयाँ लगानी गरेको छ । यो लगानी गत आवको तुलनामा ०.४८ प्रतिशत बढी हो । गत आवको सो अवधिसम्म कम्पनीले ८१ करोड ५ लाख रुपैयाँ सेयरबजारमा लगानी गरेको थियो ।
त्यस्तै, दोस्रोमा सिद्धार्थ प्रिमियर इन्स्योरेन्सले पनि सूचीकृत पब्लिक कम्पनीको सेयरमा ५६ करोड ७२ लाख रुपैयाँ लगानी गरेको छ । यो लगानी गत आवको तुलनामा १.३५ प्रतिशत बढी हो । गत आवको यस अवधिसम्म कम्पनीले सेयरबजारमा ५५ करोड ९६ लाख रुपैयाँ लगानी गरेको थियो ।
यो क्षेत्रको लगानी बृद्धिदरमा भने नेको इन्स्योरेन्स अगाडी छ । कम्पनीले गत आवको तुलनामा यो क्षेत्रको लगानी ११८.७२ प्रतिशतले बढाएर कुल ३२ करोड ४ लाख रुपैयाँ पुर्याएको छ । गत आवको तेस्रो त्रैमाससम्म कम्पनीको सेयरबजारमा १४ करोड ६५ लाख रुपैयाँ मात्रै लगानी थियो ।
त्यस्तै, दोस्रोमा युनाइटेड अजोड इन्स्योरेन्सले पनि ११०.८३ प्रतिशतले यो क्षेत्रको लगानी बढाएको छ । कम्पनीले चालु आवको तेस्रो त्रैमाससम्म पुँजीबजारमा १६ करोड २७ लाख रुपैयाँ लगानी गरेको छ । गत आवमा भने कम्पनीले ७ करोड ७२ लाख रुपैयाँ मात्रै लगानी गरेको थियो ।
गत आवको तुलनामा चालु आवमा प्रभु इन्स्योरेन्स, आइजीआई प्रुडेन्सियल इन्स्योरेन्स र नेपाल इन्स्योरेन्सको भने यो क्षेत्रको लगानी घट्न पुगेको छ । सर्वाधिक नेपाल इन्स्योरेन्सको ४४.८७ प्रतिशतले घटेको छ ।
.png)
(64).jpg)
.gif)
(1).gif)
.gif)
