.gif)
_(1).gif)
.png)
काठमाण्डौ । चिनियाँ अटो निर्माता कम्पनी नेटाले आफ्ना गाडीहरुमा क्याटएल कम्पनीद्वारा निर्मित ब्याट्री प्रयोग गर्ने भएको छ । यसका लागि दुई कम्पनीबीच सम्झौता सम्पन्न भएको छ ।
उक्त सम्झौता गत मे २४ गते नेटाको प्रधान कार्यालयमा सम्पन्न भएको हो । उक्त कार्यक्रममा नेटाका सीईओ तथा सह–संस्थापक झाङ योङ र क्याटएलका संस्थापक तथा अध्यक्ष रोबिन जेङ र सीईओ फाङ युनझोउको सहभागिता रहेको थियो ।
दुई पक्षिय रणनीतिक सम्झौताअनुसार क्याटएलले नेटालाई १० वर्षसम्म ब्याट्री उपलब्ध गराउनेछ । यी दुई कम्पनीहरुले शुन्य कार्बन, ब्याट्री स्वाप,भेइकल टु ग्रिड,ब्याट्री रिसाइकलिङ र बजार विकासका लागि समेत सहकार्य गर्नेछन् ।
क्याटएल र नेटाले विगत केहि वर्षदेखि सहकार्य गर्दै आईरहेका छन् । नेटाले यो सहकार्यले ‘चीनको नेटा’ बाट ‘विश्वको नेटा’मा परिणत हुन सहयोग गर्ने अपेक्षा गरेको जनाएको छ ।
(1).gif)
नेटा चिनियाँ अटो ब्राण्ड ‘होजोन अटो’को ईभी ब्राण्ड हो । जसको स्थापना सन् २०१४ अक्टोबरमा भएको थियो । सन् २०१८ मा नेटाको पहिलो मोडल एन०१ लञ्च भएको थियो । अहिले यो मोडललाई कम्पनीले निरन्तरता भने दिएको छैन ।
क्याटएल र नेटाले सन् २०२१ मा पनि प्रविधि विकास र आपूर्ति श्रृंखलाका लागि दुईपक्षिय रणनीतिक सम्झौता गरेका थिए ।
क्याटएल विश्वको सबेभन्दा ठूलो ईभी ब्याट्री निर्माता हो । सन् २०२३ को आँकडाअनुसार विश्वमा यो कम्पनीको बजार हिस्सा ३६.८ प्रतिशत रहेको छ ।
.gif)
.png)
.jpg)
.jpg)
.gif)
.gif)
