.gif)
(2).gif)
_(1).gif)
.png)
काठमाण्डौ । सत्ता सहकार्यका लागि सहमति गरेपछि नेपाली कांग्रेसका सभापति शेरबहादुर देउवासँग छलफलपछि नेकपा एमालेले सार्वजनिक गरिसकेको निर्णय संसोधन गरेको छ ।
एमालेको सचिवालय बैठकमा सरकारलाई दिएको समर्थन फिर्ता लिने र मन्त्रीहरुलाई पनि फिर्ता बोलाउने निर्णय भएको थियो । तर, ओलीले केही संविधानविद र कांग्रेस सभापति देउवासँग टेलिफोनमा कुरा गरेपछि निर्णय केही संसोधन गरी सार्वजनिक भएको एमालेका एक नेताले जानकारी दिए ।
.gif)
ती नेताका अनुसार एमालेले प्रधानमन्त्री पुष्पकमल दाहाल(प्रचण्ड)लाई बुधबार(भोलि)सम्म राजीनामा गरेर मार्गप्रशस्त गर्न औपचारिक आग्रह गर्ने निर्णय गरेको छ । एमालेले बुधबारसम्म पनि प्रचण्डले राजीनामा नगरे संविधानविदहरुको सल्लाहअनुसार कांग्रेस लगायतका दलहरुको सहमति लिएर नयाँ सरकार गठनका लागि अगाडि बढ्नेछ । सो क्रममा प्रचण्ड नेतृत्वको सरकार अपदस्थसम्मको कदम उठाउन सकिने विषयमा बैठकमा छलफल भएको छ ।
एमालेको सचिवालय बैठकले एमाले र काँग्रेसबीच नयाँ सरकार निर्माणका लागि भएको सहमति अनुमोदन गर्ने निर्णय पनि गरेको छ ।
यस्तै, एमाले अध्यक्ष केपी शर्मा ओलीको नेतृत्वमा बन्ने राष्ट्रिय सहमतिको सरकारमा सहभागी हुन अन्य दललाई आह्वान गर्ने निर्णय समेत भएको छ ।
यसैबीच, एमालेले सरकारलाई दिएको समर्थन मंगलबार नै फिर्ता नलिने र मन्त्रीहरुलाई पनि फिर्ता नबोलाउने निर्णय गर्ने सूचना पाएपछि प्रधानमन्त्री प्रचण्डले समेत एमाले मन्त्रीहरुलाई बर्खास्त गर्ने कदमबाट पछाडि हटेका छन् । एमालेका मन्त्रीहरुलाई बर्खास्त गर्ने योजनासहित कांग्रेसको सानेपास्थित फोटो प्रदर्शनी कार्यक्रमबाट फिर्ता भएका उनले राष्टिय स्वतन्त्र पार्टीका सभापति रवि लामिछानेलाई भेटेपछि रणनीति परिवर्तन गरेका स्रोतको भनाई छ ।
.png)
.jpg)
.jpg)
(1).gif)
.gif)
