.gif)
_(1).gif)
(5).jpg)
.png)
काठमाण्डौ । बीमाको दायरा ९म्यादी, लघुम्यादी र वैदेशिक रोजगार जीवन बीमालेख सहित० ४३.९५ प्रतिशत जनसंख्यामा पुगेको छ । नेपाल बीमा प्राधिकरणका अनुसार चालु आवको जेठ मसान्तसम्म ४३.९५ प्रतिशत जनसंख्या मात्रै बीमाको दायरामा छन् ।
तर गत वर्षको तुलनामा बीमाको दायरामा आएको जनसंख्या प्रतिशत भने घट्न पुगेको छ । गत वर्षको यसै अवधिसम्म ४४।२० प्रतिशत जनसंख्या बीमाको दायरामा थिए । यसर्थ गत आवको तुलनामा चालु आवमा बीमाको दायरामा आएको जनसंख्या ०.५६ प्रतिशतले घट्न पुगेको छ ।
नेपाल बीमा प्राधिकरणले बीमाको दायरा बढाउनकै लागि चालु आर्थिक वर्षमा मात्रै लघुबीमा कम्पनीको लाइसेन्स बाँडेको थियो । हाल ३ वटा जीवन लघुबीमा कम्पनी र ४ वटा निर्जीवन लघुबीमा गरी कुल ७ वटा लघुबीमा कम्पनीहरु सञ्चालनमा छन् ।
तरपनि प्राधिकरणले लिएको लक्ष्य अझै सफल हुन सकेको छैन । प्राधिकरणले केही वर्षभित्र नेपालको आधा जनसंख्यालाई बीमाको दायरामा ल्याउने भनेपनि आधा भन्दा बढी जनसंख्या अझैपनि बीमाको दायरामा पर्न सकेको छैन ।
प्राधिकरणले विभिन्न स्थानीय निकायहरुसँग समन्वय गरी ठाउँ–ठाउँमा बीमा सम्बन्धी अन्तरक्रिया कार्यक्रम तथा सचेतनामूलक कार्यक्रम समेत गर्दै आइरहेको छ, तरपनि बीमाको दायरामा आएको जनसंख्या प्रतिशत गत आवको तुलनामा उल्टै घट्न पुगेको छ ।
पछिल्लो समय जीवन बीमा कम्पनीहरुमा बीमा पोलिसी त्याग ९सरेण्डर०दर समेत बढ्दै गएको छ । यसले पनि बीमाको दायरा घट्न पुगेको हो ।
(1).gif)
बीमाको दायरामा आएको जनसंख्या प्रतिशत घटेपनि बीमा कम्पनीहरुको व्यवसाय भने बढ्दै गएको छ । बीमा कम्पनीहरुले चालु आवको ११ महिनासम्ममा कुल १ खर्ब ७० अर्ब ३२ करोड रुपैयाँ बीमा शुल्क संकलन गरेका छन् ।
यो व्यवसाय गत आवको तुलनामा ५.९६ प्रतिशत बढी हो । गत आवको यसै अवधिसम्म बीमा कम्पनीहरुले १ खर्ब ६० अर्ब ७४ करोड रुपैयाँ बीमा शुल्क संकलन गरेका थिए ।
जीवन बीमा कम्पनीहरुको व्यवसाय ७.४० प्रतिशत र निर्जीवन बीमा कम्पनीहरुको व्यवसाय १.०२ प्रतिशतले बढेको छ । जीवन बीमकहरुले मात्रै सो अवधिसम्म १ खर्ब ३३ अर्ब ७५ करोड रुपैयाँ प्रिमियम संकलन गरेका छन् भने निर्जीवन बीमकहरुलले ३६ अर्ब ५६ करोड रुपैयाँ प्रिमियम संकलन गरेका छन् ।
गत आवको सोही अवधिसम्म जीवन बीमकहरुले १ खर्ब २४ अर्ब ४५ करोड रुपैयाँ र निर्जीवन बीमकहरुले ३६ अर्ब १९ करोड रुपैयाँ बीमा शुल्क संकलन गरेका थिए ।
चालु आवको जेठ मसान्तसम्म जीवन बीमकहरुको बीमालेख संख्या ०.१४ प्रतिशतले बढेको छ भने निर्जीवन बीमालेख संख्या ६.९२ प्रतिशतले बढेको छ । जीवन बीमा कम्पनीहरुमा १ करोड ४० लाख ८९ हजार बीमालेख संख्या रहेको छ भने निर्जीवन बीमा कम्पनीहरुमा २७ लाख १३ हजार बीमालेख संख्या कायम छ ।
.gif)
.png)
.jpg)
.png)
.jpg)
(1).gif)
.gif)
