महिन्द्राको ५ ढोका भएको थारको लुक्स लिक, के–के छन् नयाँ फिचर्स ?

AUTO
सोमबार, असार ३१,२०८१ 16:12:32

काठमाण्डौ । महिन्द्रा एण्ड महिन्द्राले यो वर्षकै बहुप्रतिक्षित का लञ्च गर्न लागेको छ । कम्पनीले यो वर्ष ५ ढोका भएको थार एसयुभी लञ्च गर्न लागेको हो ।

यतिबेला यो कारको लुक्स लिक भएको छ । यो थार एसयुभीले यहि सेग्मेन्टका अन्य कारहरु जस्तै मारुती सुजुकी जिम्मी र गोर्खा फोर्सलाई टक्कर दिने अनुमान गरिएको छ । यी दुवै प्रतिस्पर्धि कारले अहिले प्यासेन्जर र कार्गोका लागि समेत स्पेस बढाएका छन् ।

महिन्द्राको वर्तमानको थारको सबैभन्दा ठूलो कजजोरी भनेको यसमा रहेको लगेजका लागि स्पेसको अभाव हो । नयाँ ५ वटा ढोका भएको थारमा भने थप स्थान बढाइने जनाइएको छ । यसका साथै कम्पनीले एसयुभीको नाम समेत मोडिफाई गर्ने तयारी गरेको छ । यो कारको नाम थार अरमाडा हुने सम्भावना अधिक रहेको जनाइएको छ ।

विभिन्न सामाजिक सञ्जालमा लिक भएको फोटोहरुका अनुसार यो नयाँ थार ३ ढोका भएको वर्तमानको थार भन्दा भिन्न देखिएको छ । यसमा सबैभन्दा ठूलो परिवर्तन कारको अघिल्लो भागमा देखिएको छ । कारको अघिल्लो भागमा ग्रिल डिजाइन देखिएको छ । जुन यसअघिको कम्पनीका कुनै पनि कारमा देखिएको थिएन । कारको बम्परमा परिवर्तन गरिएको छ । जुन सानो भार एसयुभीको भन्दा भिन्न देखिन्छ । यस्तै दोस्रो मुख्य परिवर्तन भनेको कारमा राउण्ड हेडलाइट रहेको छ । यसमा पहिलोपटक नयाँ प्रोजेक्टर एलईडी लाइट प्रदान गरिएको छ ।

कारमा सि–टाइप फ्रेममा डेलाइट रनिङ लाइट(डीआरएल) पनि थप गरिएको छ । कम्पनीले भारतको स्वतन्त्रता दिवसको अवसरमा आगामी अगस्ट १५ मा नयाँ थार एसयुभीलाई अनावरण गर्दैछ । यो कारको सुरुवाति मूल्य १५ लाख र उच्च मूल्य २५ लाख भारुसम्म पर्ने अपेक्षा गरिएको छ । -एजेन्सी