.gif)
_(1).gif)
.png)
काठमाण्डौ । रावा इनर्जी डेभलपमेन्ट लिमिटेडले चालु आर्थिक वर्षको दोस्रो त्रैमाससम्म ५ लाख १७ हजार ६५० रुपैयाँ घाटा व्यहोरेको छ । कम्पनीले सार्वजनिक गरेको अपरिष्कृत वित्तीय विवरणमा यस्तो देखिएको हो ।
(1).gif)
अघिल्लो आवको सोहि अवधिसम्म कम्पनीले १४ लाख ३९ हजार रुपैयाँ खुद नाफा कमाएको थियो ।
समीक्षा अवधिसम्म कम्पनीले विद्युत बिक्रीमार्फत २ करोड ६४ लाख रुपैयाँ आम्दानी गरेको छ । जुन अघिल्लो आवको तुलनामा ४०.३९ प्रतिशतले बढी हो । कम्पनीले अघिल्लो आवको दोस्रो त्रैमाससम्म बिद्युत बिक्रीबाट १ करोड ८८ लाख रुपैयाँ कमाएको थियो ।
कम्पनीले समीक्षा अवधिसम्म कर्मचारीका लागि १६ लाख ७० हजार रुपैयाँ खर्च गरेको छ । जुन अघिल्लो आवको तुलनामा ४५.७९ प्रतिशतले धेरै हो । अघिल्लो आवसम्म १३ लाख ३२ हजार रुपैयाँ रहेको कम्पनीको प्रशासनिक तथा अन्य सञ्चालन खर्च बढेर २६ लाख ९७ हजार रुपैयाँ पुगेको छ ।
यस्तै कम्पनीको सञ्चालन मुनाफा भने बढेको छ । कम्पनीको सञ्चालन मुनाफा ५१.५८ प्रतिशतले बढ्दै १ करोड ४४ लाख बढी पुगेको छ ।
कम्पनीले समीक्षा अवधिसम्म ४५ करोड ४ लाख दिर्घकालिन कर्जा र २४ लाख रुपैयाँ अल्पकालिन कर्जा लिएको छ । कम्पनीको सञ्चित मुनाफा ५ करोड ८४ लाख रुपैयाँले ऋणात्मक रहेको छ ।
समीक्षा अवधिसम्म कम्पनीको प्रतिसेयर आम्दानी(ईपीएस) ०.१८ रुपैयाँ ऋणात्मक,प्रतिसेयर नेटवर्थ ७९ रुपैयाँ र प्रतिसेयर कुल सम्पत्तिको मूल्य २५१.८४ रुपैयाँ कायम भएको छ ।
.gif)
.png)
(91).jpg)
(4).png)
.jpg)
(1).jpg)
(1).gif)
.gif)
