(1).gif)
(2).gif)
.jpg)
.png)
काठमाण्डौ । नेपाल राष्ट्र बैंकले राहदानीबापत उपलब्ध हुने विदेशी मुद्राको सटही सुविधा बढाउने भएको छ । चालु आव २०८१/८२ का लागि मौद्रिक नीति सार्वजनिक गर्दै राष्ट्र बैंकका गभर्नर महाप्रसाद अधिकारीले राहदानीबापत उपलब्ध भईरहेको विदेशी मुद्राको सटही सुविधालाई सहजीकरण गरिने बताएका हुन् ।
हालको व्यवस्थाअनुसार भारतबाहेक अन्य मुलुकको भ्रमणमा जाने नेपाली नागरिकले राहदानीबापत प्रतिपटक अमेरिकी डलर २ हजार ५ सय वा सोबराबरको परिवर्त्य विदेशी मुद्रासम्म एक आर्थिक वर्षमा २ पटकभन्दा नबढ्नेगरी सहटी सुविधा प्राप्त गर्न सक्छन् । यस्तो सटही सुविधा नेपाल राष्ट्र बैंकबाट विदेशी विनिमय कारोबार गर्न इजाजतप्राप्त बैंक तथा वित्तीय संस्थाबाट प्राप्त गर्न सकिन्छ ।
.gif)
यस्तै वैदेशिक रोजगारीमा जाने नेपाली नागरिकले जापान,दक्षिण कोरिया,युरोप महादेश,संयुृक्त राज्य अमेरिका,क्यानडाको हकमा अधिकतम अमेरिकी डलर ५ सय र अन्य मुलुकको हकमा अधिकतम अमेरिकी डलर २ सयसम्म राहदानीबापत सटही सुविधा प्राप्त गर्न सक्छन् ।
गभर्नर अधिकारीले ड्राफ्ट/टीटीको माध्यमबाट वस्तु आयत गर्दा उपलब्ध हुने सटही सुविधाको विद्यमान सीमा ३५ हजार अमेरिकी डलरबाट बर्ढार ५० हजार अमेरिकी डलर प्र्याउने घोषणा गरेका छन् ।
यस्तै डकुमेन्ट पेमेन्ट र डकुमेन्ट एगेन्स्ट एसेप्टेन्सको माध्यमबाट आयात गर्न सकिने विद्यमान ६० हजार अमेरिकी डलरको सीमालाई बढाएर १ लाख डलर कायम गरिएको छ ।
नेपालमा खोलिएका परिवत्र्य विदेशी मुद्राको खाताबाट खर्च गर्न सकिने सीमालाई वृद्धि गरिनेछ । विप्रेषण आप्रवाह, भ्रमण, व्यापार लगायतका क्रियाकलापलाई थप सहज हुने गरी सटही गर्न सकिने विदेशी मुद्राहरुको विद्यमान सूची पुनरावलोकन गरिनेछ ।
सेवा आयातवापत बैंक तथा वित्तीय संस्थाबाट प्रदान गरिने विद्यमान सटही सीमालाई वार्षिक र क्षेत्रगत रुपमा तोकी यससम्बन्धी व्यवस्थालाई सहजीकरण गरिनेछ ।
नेपाल सरकारका निकायलाई सार्वजनिक खरिद कानुनबमोजिम गरिएको खरिदको भुक्तानीको लागि आवश्यक पर्ने सटही सुविधामा ड्राफ्ट/टी.टी.को सीमा लागु नहुने एवम् एकभन्दा बढी भुक्तानीको माध्यम प्रयोग गर्न सक्ने गरी सहजीकरण गरिनेछ ।
.png)
(59)(2)(337).png)
(73).jpg)
(59)(2)(336).png)
(59)(2)(335).png)
(59)(2)(334).png)
