नेटा एक्सलाई थाईल्याण्डमा उत्पादन गर्ने नेटाको घोषणा, यी दुई देशमा गरिनेछ बिक्री

AUTO
सोमबार, श्रावण १४,२०८१ 07:30:52

काठमाण्डौ । चिनियाँ अटो निर्माता कम्पनी नेटाले थाईल्याण्ड र मलेशियामा नेटा एक्स कम्प्याक्ट एसयुभी लञ्च गरेको छ । दायाँतर्फ स्टेरिङ भएको यो ईभी क्रसओभरमा कम्पनीले स्थानिय बजारका लागि थप अतिरिक्त परिवर्तनहरु गरेको छ ।

नेटा एक्स ओरिजिनल नेटा यु को अपडेटेट भर्जन हो । नेटा एक्सको सुरुवाति मूल्य ९८ हजार ८०० युआन(१३ हजार ७५० डलर)रहेको छ । यसको लम्बाई ४ हजार ६१९ एमएम,चौडाई १ हजार ८६० एमएम र उचाई २ हजार ७७० एमएम रहेको छ ।

थाईल्याण्ड र मलेशियामा नेटा एक्स राइट ह्याण्ड ड्राइभ–आउट लेआउटमा लञ्च गरिएको छ । यसमा १५.६ इन्चको फ्लोटिङ सेन्ट्रल कन्ट्रोल स्क्रिन र ८.९ इन्चको फ्लोटिङ इन्स्ट्रुमेन्ट प्यानल रहेको छ । यो कारले मल्टी ल्याङ्वेज भ्वाइज कन्ट्रोललाई सपोर्ट गुर्नका साथै कारमा अनलाइन म्युजिक,बिल्ट–इन नेभिगेशन र मोबाइलबाट भेइकल कन्ट्रोल गर्न सकिने सुविधा रहेको छ । यसका अतिरित्त यसमा एलटु लेभल ड्राईभिङ असिस्टेन्ट सिस्टम समेत रहेको छ ।

थाईल्याण्ड र मलेशियामा लञ्च गरिएका दुवै मोडल १२० किलोवाटको अधिकतम पावर तथा २१० एमएमको उच्च टर्कका साथै स्थायी सिङ्क्रोनस मोटरद्वारा सुसज्जित रहेका छन् । यी मोडलहरु या त ५१.८ किलोवाट वा ६२ किलोवाट लिथियम आइरन फोसफेट ब्याट्री प्याकमा उपलब्ध छन् । जसले डब्लुएलटीपी रेञ्ज ३२३ किमी र ४१० किमी प्रदान गर्ने गर्छ ।

गत वर्षको अन्त्यमा होजोन अटोको नेटा ब्राण्डले थाईल्याण्डमा आफ्नो पहिलो मोडल नेटा भी आईआईको उत्पादन सुरु गरेको थियो । यसअघि यसको उत्पादन सन् २०२४ को जनवरीमा गर्ने अपेक्षा गरिएको थियो । तर थाईल्याण्डको स्थानिय साझेदार बागचन जनरल एसेम्बलीसँगको सहकार्यले समय अगावै उत्पादन सुरु भएको थियो ।

थाईल्याण्डको कारखानाबाट उत्पादित कार थाईल्याण्ड र मलेशियामा आपूर्ति गरिनेछ र पछि आसियानाका क्षेत्रका इन्डोनेशिया र भियतनाममा पनि आपूर्ति गरिनेछ ।

बीवाईडी पश्चात नेटा थाईल्याण्डमा सबैभन्दा बढी बिक्री हुने ईभी ब्राण्ड हो । गत वर्ष थाईल्याण्डमा नेटाको १२ हजार ७७७ युनिट ईभी कार बिक्री भएको थियो । नेटाले सन् २०२४ मा विश्वव्यापी बिक्री सञ्जालसँगै आफ्नो ब्राण्डलाई विश्वभरका ५० देशमा विस्तार गर्ने र ५०० भन्दा ओभरसिज बिक्री र सर्भिस आउटलेट स्थापना गर्ने घोषणा गरेको थियो ।