.gif)
_(1).gif)
(1).png)
.png)
काठमाण्डौ । गत आर्थिक वर्षको चौथो त्रैमाससम्म मेरोमाइक्रोफाइनान्स लघुवित्त वित्तीय संस्था लिमिटेडले २१ करोड ९५ लाख रुपैयाँ खुद नाफा आर्जन गरेको छ । यो नाफा अघिल्लो आवको सोहि अवधिको तुलनामा ३६२.५८ प्रतिशतले धेरै हो ।
अघिल्लो आवको चौथो त्रैमाससम्म कम्पनीले ४ करोड ७४ लाख मात्रै खुद नाफा आर्जन गरेको थियो ।
समीक्षा अवधिसम्म कम्पनीको खुद ब्याज आम्दानी पनि बढेको छ । कम्पनीको खुद ब्याज आम्दानी १४.०६ प्रतिशतले बढेर ८७ करोड ४८ लाख रुपैयाँ पुगेको छ । अघिल्लो आवको चौथो त्रैमाससम्म ७३ करोड १७ लाख रुपैयाँ रहेको कम्पनीको खुद सञ्चालन आम्दानी बढेर ९७ करोड ३४ लाख रुपैयाँ पुगेको छ ।
(1).gif)
कम्पनीले कर्मचारीका लागि ४७ करोड ९६ लाख र १३ करोड ८६ लाख रुपैयाँ अन्य सञ्चालन खर्च गरेको छ । कम्पनीले इम्पेयरमेन्ट चार्जका लागि १ करोड ९४ लाख रुपैयाँ छुट्टाएको छ । अघिल्लो आवमा कम्पनीले इम्पेयरमेन्ट चार्जका लागि १ करोड ९४ लाख रुपैयाँ छुट्टाएको थियो । अघिल्लो आवको चौथो त्रैमाससम्म भने कम्पनीले इम्पेयरमेन्ट चार्जका लागि १ करोड २५ लाख रुपैयाँ छुट्टाएको थियो ।
कम्पनीको रिटेन्ड अर्निङ १९ करोड ६२ लाख रुपैयाँ र रिजर्भको आकार ६० करोड २७ लाख रुपैयाँ रहेको छ । गत आवसम्म कम्पनीको रिजर्भको आकार ५० करोड ६६ लाख रुपैयाँमा सीमित थियो।
३ अर्ब ४० करोड रुपैयाँबराबरको निक्षेप संकलन गरेको कम्पनीले १३ अर्ब ८५ करोड रुपैयाँबराबरको कर्जा प्रवाह गरेको छ । कम्पनीको खराब कर्जा अनुपात ५.८४ प्रतिशतबाट बढेर ७.६८ प्रतिशत पुगेको छ ।
यस्तै कम्पनीको वितरणयोग्य मुनाफा १९ करोड ६२ लाख रुपैयाँ रहेको छ भने लाभांश क्षमता १४.८७ प्रतिशत रहेको छ ।
समीक्षा अवधिसम्म कम्पनीको प्रतिसेयर आम्दानी(ईपीएस)१६.६३ रुपैयाँ,प्रतिसेयर नेटवर्थ १६०.५३ रुपैयाँ,प्रतिसेयर कुल सम्पत्तिको मूल्य १ हजार ११८.१० रुपैयाँ,मूल्य आम्दानी अनुपात ४२.०८ गुणा र तरलता अनुपात ५.४७ प्रतिशत कायम भएको छ ।
.png)
.png)
(64).jpg)
.jpg)
(83).jpg)
.gif)
(1).gif)
.gif)
