स्वरोजगार लघुवित्तको नाफामा २२.४१% को गिरावट,यस्तो छ अन्य सूचकको अवस्था

STOCK MARKET
मंगलवार, माघ २३,२०८० 08:53:30

काठमाण्डौ । स्वरोजगार लघुवित्त वित्तीय संस्था लिमिटेडको खुद नाफामा २२.४१ प्रतिशतको गिरावट आएको छ । संस्थाले चालु आर्थिक वर्षको दोस्रो त्रैमाससम्ममा ३ करोड ९१ लाख रुपैयाँ खुद नाफा आर्जन गरेको छ । अघिल्लो आवको सोहि अवधिमा संस्थाको खुद नाफा ५ करोड ४ लाख रुपैयाँ थियो ।

संस्थाको खुद ब्याज आम्दानी पनि ७.११ प्रतिशतले घट्दै ४९ करोड २५ लाख रुपैयाँमा सीमित भएको छ । संस्थाको कर्मचारी खर्च ४.११ प्रतिशतले घट्दै ११ करोड ८ लाख रुपैयाँमा सीमित भएको छ । अन्य सञ्चालन खर्च भने १४.१४ प्रतिशतले बढ्दै ५ करोड ४ लाख रुपैयाँ पुगेको छ ।

संस्थाले ३ अर्ब ४६ करोड रुपैयाँबराबरको निक्षेप संकलन गरेको छ भने कर्जा ७ अर्ब ६० करोड कर्जा प्रवाह गरेको छ । संस्थाको रिजर्भको आकार ५.१२ प्रतिशतले बढ्दै १६ करोड १८ लाख रुपैयाँ पुगेको छ ।

समीक्षा अवधिसम्म संस्थाको प्रतिसेयर आम्दानी(वार्षिकीकरण) १२.४९ रुपैयाँ,मूल्य आम्दानी अनुपात ५२.७५ गुणा,प्रतिसेयर नेटवर्थ १४२.५० रुपैयाँ,प्रतिसेयर कुल सम्पत्तिको मूल्य १३०१.०५ रुपैयाँ र तरलता अनुपात ७.८९ प्रतिशत कायम भएको छ ।