.gif)
_(1).gif)
.jpg)
.png)
काठमाण्डौ । महुली लघुवित्त वित्तीय संस्था लिमिटेडको नाफा ५६.४७ प्रतिशतले बढेको छ । संस्थाले गत आवको चौथो त्रैमाससम्म ६ करोड ९१ लाख रुपैयाँ खुद नाफा आर्जन गरेको छ । अघिल्लो आवको सोही अवधिसम्म भने संस्थाले ४ करोड ४१ लाख रुपैयाँ नाफा आर्जन गरेको थियो ।
नाफासँगै संस्थाको खुद ब्याज आम्दानी पनि बढेको छ । समीक्षा अवधिसम्म संस्थाले २७ करोड ५० लाख रुपैयाँ खुद ब्याज आम्दानी आर्जन गरेको छ । जुन अघिल्लो आवको तुलनामा ५.८४ प्रतिशतले बढी हो । अघिल्लो आवको चौथो त्रैमाससम्म संस्थाले २५ करोड ९८ लाख रुपैयाँ खुद ब्याज आम्दानी गरेको थियो । संस्थाले ५ करोड १७ लाख रुपैयाँबराबरको खुद शुल्क तथा कमिशन आर्जन गरेको छ ।
(1).gif)
यो अवधिमा संस्थाको कुल सञ्चालन आम्दानी भने १.७३ प्रतिशतले बढेर ३३ करोड ४९ लाख रुपैयाँ पुगेको छ । संस्थाको सञ्चालन मुनाफा ९ करोड ८७ लाख रुपैयाँबराबर रहेको छ ।
चौथो त्रैमाससम्म संस्थाले कर्मचारीका लागि १७ करोड १४ लाख र अन्य सञ्चालनका लागि ४ करोड ७८ लाख रुपैयाँ खर्च गरेको छ ।
समीक्षा अवधिसम्म संस्थाको रिटेन्ड अर्निङ बढेको छ भने रिजर्भको आकार घटेको छ । रिटेन्ड अर्निङ १ करोड ६४ लाख रुपैयाँबाट बढेर ९ करोड ४ लाख रुपैयाँ पुगेको छ । रिजर्भको आकार भने २६ करोड ६४ लाख रुपैयाँबाट घटेर २५ करोड ८९ लाख रुपैयाँमा सीमित बनेको छ ।
संस्थाको वितरणयोग्य मुनाफा ९ करोड ४ लाख रुपैयाँ र लाभांश क्षमता २८.०७ प्रतिशत रहेको छ । चौथो त्रैमाससम्म १ अर्ब ६४ करोड रुपैयाँ निक्षेप संकलन गरेको संस्थाले ४ अर्ब ६२ करोड रुपैयाँबराबरको कर्जा प्रवाह गरेको छ ।
संस्थाले इम्पेयरमेन्ट चार्जका लागि १ करोड २३ लाख रुपैयाँ छुट्टाएको छ । अघिल्लो आवको चौथो त्रैमाससम्म ४.९४ प्रतिशत रहेको संस्थाको खराब कर्जा अनुपात घटेर ३.९४ प्रतिशत कायम भएको छ ।
समीक्षा अवधिसम्म संस्थाको प्रतिसेयर आम्दानी(ईपीएस) पनि १३.७१ रुपैयाँबाट बढेर २१.४४ रुपैयाँ पुगेको छ । संस्थाको प्रतिसेयर नेटवर्थ २०८.४० रुपैयाँ, प्रतिसेयर कुल सम्पत्तिको मूल्य १ हजार ५४४.७९ रुपैयाँ, मूल्य आम्दानी अनुपात ६३ गुणा र तरलता अनुपात १२.६९ प्रतिशत कायम भएको छ ।
.gif)
.png)
.jpg)
.jpg)
.png)
.gif)
.gif)
