.gif)
_(1).gif)
(1).jpg)
.png)
काठमाण्डौ । हिमालयन लाइफ इन्स्योरेन्स कम्पनी लिमिटेडको नाफा र बीमाशुल्क आर्जन दुवै बढेको छ । कम्पनीको खुद नाफामा २१.५९ प्रतिशतको बढोत्तरी आएको छ । कम्पनीले गत आर्थिक वर्षको चौथो त्रैमाससम्ममा ६३ करोड ३८ लाख रुपैयाँ खुद नाफा आर्जन गरेको छ । अघिल्लो आवको सोही अवधिसम्म भने कम्पनीले ५२ करोड १२ लाख रुपैयाँबराबरको खुद नाफा आर्जन गरेको थियो ।
कम्पनीले समीक्षा अवधिसम्म १६ अर्ब १९ करोड रुपैयाँ खुद बीमाशुल्क आर्जन गरेको छ । जुन अघिल्लो आवमा कम्पनीले आर्जन गरेको १४ अर्ब ५७ करोडको तुलनामा ११.०९ प्रतिशतले धेरै हो । कम्पनीको अन्य प्रत्यक्ष आम्दानी ८ करोड १७ लाख ,लगानी तथा कर्जा आम्दानी ५ अर्ब ६० करोड र बीमितलाई प्रदान गरिएको कर्जाबाट ८० करोड २ लाख रुपैयाँ ब्याज आम्दानी गरेको छ ।
(1).gif)
यस्तै कम्पनीको अन्य आम्दानी ४१ लाख १० हजार रुपैयाँ रहेको छ । कम्पनीको कुल आम्दानी २२ अर्ब ६८ करोड रुपैयाँ रहेको छ । अघिल्लो आवसम्म भने कम्पनीको कुल आम्दानी २० अर्ब ८ करोड रुपैयाँ रहेको थियो । चौथो त्रैमाससम्म कम्पनीले १८ अर्ब ८१ करोड रुपैयाँबराबरको खुद दाबी भुक्तानी गरेको छ । कम्पनीले गरेको दाबी भुक्तानी अघिल्लो आवको सोही अवधिको तुलनामा १७.३९ प्रतिशतले धेरै हो ।
चौथो त्रैमाससम्म कम्पनीको खर्च १२.७२ प्रतिशतले बढेर २२ अर्ब ४ करोड रुपैयाँ पुगेको छ । कम्पनीको महाविपत्ती कोषको आकार ४३ करोड ४८ लाख र रिटेन्ड अर्निङ १ अर्ब ४२ करोड रुपैयाँबराबर रहेको छ ।
कम्पनीको चुक्तापूँजी ८ अर्ब २ करोड रुपैयाँ रहेको छ ।
कम्पनीको प्रतिसेयर आम्दानी(ईपीएस) बढेको छ । कम्पनीको ईपीएस ६.५० रुपैयाँबाट बढेर ७.९० रुपैयाँ कायम भएको छ । समीक्षा अवधिसम्म कम्पनीको प्रतिसेयर नेटवर्थ १२६.२९ रुपैयाँ,प्रतिसेयर कुल सम्पत्तिको मूल्य ९६६.२६ रुपैयाँ, पीई रेसियो ४९.४७ गुणा कायम भएको छ ।
.gif)
.png)
.jpg)
.png)
.jpg)
.gif)
(1).gif)
.gif)
