राधि विद्युतको आम्दानीसँगै नाफा पनि घट्यो

STOCK MARKET
बुधबार, श्रावण ३०,२०८१ 09:59:43

काठमाण्डौ । राधि विद्युत कम्पनी लिमिटेडको नाफा १७.७२ प्रतिशतले घटेको छ । कम्पनीले सार्वजनिक गरेको गत आवको चौथो त्रैमाससम्मको अपरिष्कृत वित्तीय विवरणअनुसार कम्पनीले ९ करोड २७ लाख रुपैयाँ खुद नाफा आर्जन गरेको छ । अघिल्लो आवको सोही अवधिसम्म भने कम्पनीले ११ करोड २७ लाख रुपैयाँ खुद नाफा आर्जन गरेको थियो ।

कम्पनीले समीक्षा अवधिसम्म विद्युत बिक्रीमार्फत ९ करोड ७४ लाख रुपैयाँ आर्जन गरेको छ । जुन अघिल्लो आवको तुलनामा २४.१६ प्रतिशतले कम हो । अघिल्लो आवको चौथो त्रैमाससम्म कम्पनीले विद्युत बिक्रीमाफर्त १२ करोड ८४ लाख रुपैयाँबराबरको कुल आम्दानी गरेको थियो । यस्तै कम्पनीले ७ लाख रुपैयाँबराबरको अन्य आम्दानी गरेको छ ।

कम्पनीको प्रशासनिक खर्च ३ करोड ८ लाख रुपैयाँ, विद्युत उत्पादन खर्च २ करोड २ लाख रुपैयाँ र वित्तीय खर्च १ करोड ३१ लाख रुपैयाँ रहेको छ ।

कम्पनीको कुल चालु सम्पत्ति ६३ करोड र कुल चालु दायित्व १३ करोड १२ लाख रुपैयाँ रहेको छ ।

समीक्षा अवधिसम्म कम्पनीको प्रतिसेयर आम्दानी(ईपीएस) ५.२८ रुपैयाँ ,प्रतिसेयर नेटवर्थ ११९.८१ रुपैयाँ, प्रतिसेयर कुल सम्पत्तिको मूल्य १३०.१९ रुपैयाँ, मूल्य आम्दानी अनुपात ५०.७५ गुणा र तरलता अनुपात ४.८० प्रतिशत कायम भएको छ ।