.gif)
_(1).gif)
.png)
काठमाण्डौ । रावा इनर्जी डेभलपमेन्ट लिमिटेडले गत आर्थिक वर्षको अन्त्यसम्ममा ४६ लाख ५४ हजार रुपैयाँ घाटा व्यहोरेको छ । अघिल्लो आवको सोही अवधिसम्म कम्पनीले ३ करोड १३ लाख रुपैयाँ खुद नाफा कमाएको थियो ।
समीक्षा अवधिसम्म कम्पनीले विद्युत बिक्रीमार्फत १ करोड १७ लाख रुपैयाँ आम्दानी गरेको छ । जुन अघिल्लो आवको तुलनामा २२.९५ प्रतिशतले बढी हो । कम्पनीले अघिल्लो आवको चौथो त्रैमाससम्म विद्युत बिक्रीबाट १ करोड ३९ लाख रुपैयाँ कमाएको थियो ।
(1).gif)
कम्पनीले समीक्षा अवधिसम्म कर्मचारीका लागि १७ लाख ७३ हजार रुपैयाँ खर्च गरेको छ । जुन अघिल्लो आवको तुलनामा २२.७० प्रतिशतले धेरै हो । अघिल्लो आवसम्म ३७ लाख ६८ हजार रुपैयाँ रहेको कम्पनीको प्रशासनिक तथा अन्य सञ्चालन खर्च घटेर १६ लाख २१ हजार रुपैयाँमा सीमित बनेको छ ।
यस्तै कम्पनीको सञ्चालन मुनाफा भने बढेको छ । कम्पनीको सञ्चालन मुनाफा ३७९.९८ प्रतिशतले बढ्दै ५५ लाख ६६ हजार पुगेको छ । कम्पनीले समीक्षा अवधिसम्म ४५ करोड ४ लाख दीर्घकालिन कर्जा र २४ लाख रुपैयाँ अल्पकालिन कर्जा लिएको छ । कम्पनीको सञ्चित मुनाफा ७ करोड २७ लाख रुपैयाँले ऋणात्मक रहेको छ ।
समीक्षा अवधिसम्म कम्पनीको प्रतिसेयर आम्दानी(ईपीएस) १.६६ रुपैयाँ ऋणात्मक,प्रतिसेयर नेटवर्थ ७४ रुपैयाँ र प्रतिसेयर कुल सम्पत्तिको मूल्य २४२.२१ रुपैयाँ कायम भएको छ ।
.gif)
.png)
(99).jpg)
(14).jpg)
.jpg)
.jpg)
.gif)
.gif)
