(1).gif)
(2).gif)
.png)
काठमाण्डौ। उपप्रधान तथा अर्थमन्त्री विष्णु पौडेलले अहिले अर्थतन्त्रका सूचकहरूका बारेमा धेरै चर्चा गरिरहन नपर्ने बताएका छन्। नेपाल उद्योग तथा व्यवसायी महासंघले आयोजना गरेको सुदृढ अर्थतन्त्र निर्माणको आधार सबल निजी क्षेत्र बलियो पूर्वाधार’ विषयक अन्तर्क्रिया कार्यक्रममा बोल्दै उनले यस्तो बताएका हुन्।
उनले अर्थतन्त्रको सूचक सेयर बजार नै भएको भन्दै यसलाई अहिले आम नागरिकले दैनिक रुपमा बिहानदेखि साँझ सुत्ने बेलासम्म अर्थतन्त्र कस्तो लयमा पुगेको छ भनी आफैँ मूल्याङ्कन गरिरहेका बताए। सेयर बजारमा भइरहेको वृद्धिप्रति सरकार निकै सकारात्मक रहेको उनको भनाइ छ।
.gif)
(1).gif)
उनले सरकारको एक महिनाको अवधिमा सकारात्मक उपलब्धि देखा परेको बताए। उनले राजस्व संकलनमा केही सकारात्मक संकेत देखिएको बताए। सरकारले प्रभावकारी प्रयास गर्न बाँकी नै रहँदा पनि सकारात्मक संकेत देखिएको उनको भनाइ छ।
गत वर्षको तुलनामा यस आर्थिक वर्षको साउनमा राजस्व २० प्रतिशतले बढेको र पुँजीगत खर्च नौ गुणाले बढेको उनको दाबी छ।
घरजग्गाको कारोबार सुधार भइरहेको र सेयर बजारमा उत्साहित देखिएको उनले बताए। यस्तै, पछिल्लो समयमा बजारमा सेयर लगानीकर्ताहरूको पनि बाक्लो उपस्थिति देखिएको उनले सुनाए।
.gif)
(1).gif)
(2).gif)
.png)
.gif)
.jpg)
.jpg)
.jpg)
.jpg)
(1).gif)
