चार दिनमै ४१०० डलरमाथिबाट ३८०० को तहमा झर्‍यो सुन, चाँदी ४८ डलरको हाराहारीमा

काठमाण्डौ । सोमबार प्रतिऔंस ४ हजार १०० डलर नाघेको सुन चार दिनमै ३ हजार ८०० डलरको तहमा झरेको छ । 

अन्तर्राष्ट्रिय बजारमा नोभेम्बर ९ मा प्रतिऔंस ४ हजार १३७.९५ डलर रहेको सुन नोभेम्बर १३ मा ३ हजार ८७८.५६ डलरमा बन्द भयो । सोमबारदेखि शुक्रबारसम्म सुन प्रतिऔंस २५९.३९ डलरले सस्तियो । यही अवधिमा चाँदी पनि ५३.४० डलरबाट ४८.८८ डलरमा झर्‍यो । 

एक सातामा सुन ५.०६ प्रतिशत र चाँदी ५.४५ प्रतिशत सस्तिए

गोल्डप्राइस डट ओआरजीको दैनिक बन्द मूल्यअनुसार एक साताअघि नोभेम्बर ६ मा सुन प्रतिऔंस ४ हजार ८५.२४ डलर र चाँदी ५१.७० डलरमा थिए । त्यसपछिको शुक्रबारसम्म सुन प्रतिऔंस २०६.६८ डलर अर्थात् ५.०६ प्रतिशतले घट्यो । चाँदी प्रतिऔंस २.८२ डलर अर्थात् ५.४५ प्रतिशतले सस्तियो ।

शुक्रबारको दैनिक कारोबारमा पनि चाँदीमा बढी दबाब देखियो । अघिल्लो कारोबारको बन्द मूल्यबाट सुन ०.०९ प्रतिशतले घट्दा चाँदी २.५४ प्रतिशतले ओर्लियो । संलग्न चार्टमा न्युयोर्क समय साँझ ५ बजेर १५ मिनेटमा चाँदी ४८.७५ डलरमा देखिएको छ । साप्ताहिक तुलना गोल्डप्राइसको दैनिक बन्द मूल्यमा आधारित छ ।