.gif)
_(1).gif)
.png)
काठमाण्डौ । सत्ता गठबन्धनको नेतृत्व गरिरहेको नेकपा एमालेको सचिवालय बैठकले नयाँ सरकार गठनलगत्तै सेयर बजारमा नयाँ वृद्धि भएको र निजी क्षेत्र सकारात्मक तथा उत्साहित देखिएको निश्कर्ष निकालेको छ।
एमालेको केन्द्रीय सचिवालयको ३५ औ बैठकले एमाले र नेपाली कांग्रेसको सहकार्यमा पार्टी अध्यक्ष केपी शर्मा ओलीको नेतृत्वमा गठन भएको वर्तमान सरकारको कामको समीक्षा गर्दै सकारात्मक रहेको निश्कर्ष निकालेको हो ।
(1).gif)
‘बैठकले वर्तमान सरकार गठनयता व्यावसायिक क्षेत्र र निजीक्षेत्र सरकारप्रति सकारात्मक र उत्साहित देखिएको, शेयरबजारमा नयाँ बृद्धि र लगानीमा निजी क्षेत्र आशावादी भएको ठहर गरेको छ । यसबाट सरकारप्रति जनतामा आशा र भरोसा पैदा भएको निष्कर्ष निकालेको छ । बैठकपछि केन्द्रीय प्रचार तथा प्रकाशन विभाग प्रमुख राजेन्द्र गौतमले जारी गरेको विज्ञप्तिमा भनिएको छ-'अध्यक्ष ओली नेतृत्वको वर्तमान सरकारले लामो समयदेखि अल्झिएर रहेको शान्ति प्रक्रियालाई टुङ्गोमा पुर्याउन सङ्क्रमणकालीन न्यायसम्बन्धी विधेयक संसदबाट सर्वसम्मत पारित गराई ऐन बनाउने काममा सफलता प्राप्त गरेको र यो शान्ति प्रक्रिया टुङ्याउने सन्दर्भमा अन्तिम कोशेढुङ्गा भएको निष्कर्ष निकालेको छ ।'
बैठकमा पार्टीको वार्षिक कार्ययोजना प्रस्तुत भएको बताइएको छ । उक्त कार्ययोजना पोलिटब्यूरो बैठकबाट पारित गरिनेछ ।
कार्ययोजनामा सदस्यता नवीकरण र अभिलेखीकरणलाई अझ व्यवस्थित गर्ने, बाँकी जिल्ला अधिवेशन र पालिका अधिवेशन समयमै व्यवस्थितरूपमा सम्पन्न गर्ने, कार्यकर्तालाई नियमित प्रशिक्षणका लागि केन्द्रका अतिरिक्त सातै प्रदेशमा पार्टी स्कुलका स्थायी संरचना खडा गर्ने, पार्टी प्रवेश गर्नु भएकाहरूलाई तीनमहिनाभित्र कमिटीमा जिम्मेवारी दिनेलगायत रहेका छन् ।
त्यस्तै, पार्टीको हिरक वर्षका लागि तय भएका र बाँकी रहेका कामहरू पार्टीको इतिहास लेखन, ‘शेल्टर’ पुस्तक प्रकाशन र अन्तर्राष्ट्रिय सम्मेलन आयोजना गर्ने लगायत महत्वपूर्ण कार्यहरू कार्ययोजनामा समेटिएको छ ।
.png)
.jpg)
.jpg)
.jpg)
.jpg)
.jpg)
.gif)
(1).gif)
.gif)
