प्रि-बुकिङ गरिएका एक्स्पेङ जी६ एसयुभी दशैं अगावै आइपुग्ने

काठमाण्डौ । आधिकारिक वितरक सिजी मोटर्सले नेपालको लागि पहिलो चरणका एक्स्पेङ सवारीसाधनहरूको आगमनको घोषणा गरेको छ। बहु–प्रतीक्षित एक्स्पेङ जी६ आगामी दशैंभन्दा अघिनै वितरण गर्ने तयारी गरिएको छ ।  

एक्स्पेङ जी६ बुक गरेका ग्राहकहरूले दशैंभन्दा अगाडी नै गाडी प्राप्त गर्न सक्ने लक्ष्य राखेर यी सवारी साधनहरू चीनबाट प्रस्थान गरिसकेका र छिट्टै नेपालमा आउने अपेक्षा गरिएको एक्स्पेङले जानकारी दिएको छ ।

सिजी मोटर्सले एक्स्पेङ जी ६ को प्रारम्भिक पूर्वानुमान भन्दा धेरै बुकिङ गर्न सफल भएको जनाएको छ । एक्स्पेङको स्मार्ट ड्राइभिङ प्रविधि, जस्तै स्वचालित ड्राइभिङ, अल्ट्रा–फास्ट चार्जिङ, ५०ः५० लोड रेसियो र सेपा २.० का कारण नेपाली बजारमा यसको ब्यग्र प्रतिक्षा भईरहेको कम्पनीले जनाएको छ ।