मुक्तिनाथ विकास बैंकको संस्थापक सेयर बिक्रीमा

काठमाण्डौ । मुक्तिनाथ विकास बैंकले संस्थापक सेयरधनीहरुले धारण गरेको संस्थापक सेयर बिक्रीमा राखेको छ । केही विद्यमान संस्थापक सेयरधनीहरुले आफूले धारण गरेको सेयर बिक्री गर्न इच्छुक रही सञ्चालक समिति समक्ष निवेदन दिएकाले बैंकले आजदेखि उक्त सेयर बिक्रीमा राखेको हो ।  

यो सेयर खरिदका लागि साविकका संस्थापकहरू मात्रै योग्य हुनेृछन् । सेयर खरिद गर्न इच्छुक संस्थापकहरुले सूचना प्रकाशित भएको ३५ दिनभित्र लाजिम्पाटमा रहेको बैकको केन्द्रिय कार्यालयमा आवेदन दिनु पर्नेछ । 

आवेदन पेश गर्दा आफूले खरिद गर्न चाहेको सेयर कित्ता र प्रति सेयर रकम खुलाउनु पर्ने बैंकले जनाएको छ ।  निर्धारित समयसम्ममा कुनै निवेदन पेश नभएमा कानूनबमोजिम भइजाने समेत बैंकले उल्लेख गरेको छ ।