ईभी निर्माता नेटालाई राहात, स्थानिय सरकारले सहायता प्रदान गर्ने

काठमाण्डौ । आर्थिक संकटको सामना गरिरहेको चिनियाँ अटो निर्माता कम्पनी नेटालाई चीनको स्थानिय सरकारले सहायता प्रदान गर्ने भएको छ ।  

नानिङ इन्डष्ट्रियल इन्भेष्टमेन्ट ग्रुप नामक कम्पनीले आपूर्ति श्रृंखला वित्तीय सहायता प्रदान गर्न नेटाको माउ कम्पनी होजोन अटोसँग रणनीतिक साझेदारी गरेको छ ।  

यो ग्रुपले नेटलाई कच्चा प्रदार्थ जुटाउन सहयोग गर्नुका साथै उत्पादन,लजिस्टीक र केडी(नक्ड डाउन)किट निर्यात गर्न सहयो ग गर्नेछ । यसका साथै ग्रुपले अन्तराष्ट्रिय बजार विस्तार तथा विदेशमा बिक्री गर्ने मोडहरुको उत्पादन र डेलिभरीमा समेत सहयोग गर्नेछ ।  

नानिङ इन्भेष्टमेन्ट ग्रुपको स्थापना नानिङ शहरको स्थानिय सरकारको नेतृत्वमा सन् २०१३ नोभेम्बर मा भएको थियो । यसको मुख्य व्यवसाय भनेको औद्योगिक लगानी र पार्क निर्माण,सञ्चालन र व्यवस्थापनका साथै सम्पत्ति सञ्चालन तथा व्यवस्थापन रहेको छ ।  

यस्तै होजोनको स्थापना सन् २०१४ अक्टोबरमा भएको थियो । यसलाई सन् २०१७ मा चीनको आर्थिक योजनाकारहरुले मान्यता दिएका थिए ।  

नेटा ब्राण्डले चीनमा नेटा एक्स,नेटा जिटी,नेटा एस,नेटा अया र नेटा एल बिक्री गर्दै आएको छ । यी मोडहरुको मूल्य १ लाख चिनियाँ युआउदेखि २ लाखसम्म रहेको छ ।  

होजोनले गत जुन महिनामा हङकङमा सूचिकृत हुन आवेदन दिएको थियो । तर यस विषयमा थप प्रगति हुन सकेको छैन । त्यसयता कम्पनीको सञ्चालनमा कठिनाई आईरहेको छ ।  

नेटाले यो समस्याको समाधानका लागि ७० प्रतिशतसम्म कर्मचारी कटौती गर्ने योजना बनाएको चिनिया मिडियाले बताएका छन् ।