एक सातामै ६% ले बढ्यो कच्चा तेलको मूल्य, प्रतिब्यारेल कति पुग्यो भाउ ?

काठमाण्डौ । रुस–युक्रेन बढ्दो तनावका बीच अन्तराष्ट्रिय बजारमा कच्चा तेलको मूल्य बढेको छ । पछिल्लो कारोबारमा ब्रेन्ट क्रुडको मूल्य १.२७ प्रतिशतले बढ्दै प्रतिब्यारेल ७५.१७ डलर पुगेको छ ।  

यस्तै डब्लुटीआई क्रुडको मूल्य पनि १.६३ प्रतिशतले बढेर प्रतिब्यारेल ७१.२४ डलर पुगेको छ ।  

पछिल्लो एक साताको अवधिमा यी दुवै क्रुड बेन्चमार्कको मूल्य ६ प्रतिशतले उकालो लागेको छ । जुन गत नोभेम्बर ७ पछिकै उच्च हो । युक्रेनले अमेरिका र बेलायतद्वारा प्रदान गरिएको मिसाइलले रुसमाथि आक्रमण बढाएसँगै रुसले पनि प्रतिकारमा आक्रमण बढाएको छ ।  

फलस्वरुप अमेरिकाले रुसमाथि थप प्रतिबन्ध लगाएको छ । बढ्दो भू–राजनीतिक तनावका कारण निम्तिएको अनिश्चिनताका कारण कच्चा तेलको मूल्य बढ्न पुगेको छ ।