मन्त्रिपरिषद् बैठक आज बस्दै, प्रधानमन्त्रीको चीन भ्रमणबारे निर्णय हुने

काठमाण्डौ । आज साँझ ५ बजे मन्त्रिपरिषद् बैठक बस्ने भएको छ । प्रधानमन्त्री तथा मन्त्रिपरिषद्को कार्यालयमा बस्न लागेको उक्त बैठक प्रधानमन्त्री केपी शर्मा ओलीको चीन भ्रमणबारे निर्णय गर्न बस्न लागेको हो ।  

बैठकमा प्रधानमनत्री ओलीको चीन भ्रमणका अवसरमा उठाइने अजेन्डाका बारेमा समेत छलफल हुनेछ । प्रधानमन्त्री ओली ४० सदस्यीय टोलीसहित मंसिर १७ गते चीन भ्रमण गर्दैछन् ।  

परराष्ट्रमन्त्री डा. आरजु राणा देउवा भने चीनको औपचारिक भ्रमणमा आज त्यसतर्फ प्रस्थान गर्दै छिन्। चिनियाँ विदेशमन्त्री वाङ यीको मैत्रीपूर्ण निमन्त्रणामा चीन जान लागेकी उनी प्रधानमन्त्री केपी शर्मा ओलीको आसन्न चीनको औपचारिक भ्रमणको तयारीका लागि त्यसतर्फ जान लागेकी हुन् ।