सरेण्डदरमार्फत जीवन बीमा क्षेत्रबाट बाहिरियो झण्डै ५ अर्ब रुपैयाँ, कुन कम्पनीबाट कति ?

काठमाण्डौ । जीवन बीमा कम्पनीहरुबाट झण्डै ५ अर्ब रुपैयाँ बराबरको बीमा पोलिसी सरेण्डर भएकोछ । १४ जीवन बीमकबाट चालु आवको ४ महिनासम्ममा ४ अर्ब ८२ करोड ९७ लाख रुपैयाँ बराबरको बीमा पोलिसी त्याग भएको हो ।  

कात्तिक मसान्तसम्ममा जीवन बीमा कम्पनीहरुबाट ३५ हजार ९८५ वटा बीमालेख समर्पण भएको नेपाल बीमा प्राधिकरणले जनाएको छ । प्राधिकरणका अनुसार सो अवधिसम्म समर्पण भएको बीमालेख रकम बीमकहरुले आर्जन गरेको कुल बीमाशुल्क रकमको ९ प्रतिशत रकम हो ।  

जीवन बीमा कम्पनीहरुले कात्तिक मसान्तसम्ममा ५३ अर्ब ३९ करोड ३२ लाख रुपैयाँ बीमाशुल्क आर्जन गर्दा करिब ५ अर्ब रुपैयाँ सरेण्डरमार्फत बाहिरिएको छ ।  

पछिल्लो समय जीवन बीमा कम्पनीहरुमा बीमा पोलिसी त्याग गर्नेको संख्या बढ्दो छ । आर्थिक शिथिलताका कारण बीमितहरुमा पोलिसी त्याग गर्ने प्रवृत्ति बढ्दा बीमा क्षेत्रमा नकारात्मक प्रभाव पर्ने देखिएको छ । बीमा अभिकर्ताहरुले कमिसनको प्रलोभनमा बीमितको आर्थिक अवस्था नबुझि वा प्रलोभन देखाई दबाबमा बीमा गराईदिने प्रबृत्ति अभिकर्ताहरुमा हाबी छ ।

बीमितले निश्चित अवधिमा तोकेर बीमा गर्ने गर्छन् । तर, त्यो अवधि नसकिँदै ग्राहकले पोलिसी बन्द गरेर आफ्नो रकम लिन्छन् भने, त्यसलाई सरेन्डर भनिन्छ ।

पोलिसी सरेन्डर गर्दा बीमितले तिरेको बीमाशुल्क र पोलिसी सरेन्डर गर्ने मितिसम्मको बोनस रकम एकमुष्ट बीमितलाई भुक्तानी गरिन्छ । बीमितले बीमा गरेको न्यूनतम ३ वर्षपछि मात्रै पोलिसी बन्द गर्न पाइने व्यवस्था रहेको छ ।

विशेषगरी पछिल्लो समय देखिएको आर्थिक सङ्कटका कारण अवधि ९परिपक्वता० नसकिदैं सरेन्डर गरिने जीवन बीमालेख ९लाइफ इन्स्योरेन्स पोलिसी० को सङ्ख्या र सरेन्डर रकम बढ्दै गएको छ ।

बीमा कम्पनीहरुबाट महिनैपिच्छे अर्बौ रुपैयाँ सरेण्डरमार्फत बाहिरिएको छ । यसरी जीवन बीमा क्षेत्रबाट अर्बौ रकम बाहिरिँदै जाँदा बीमा क्षेत्रलाई नै नकारात्मक असर पर्ने देखिन्छ ।  

कुन कम्पनीबाट कति सरेण्डर ?

१४ जीवन बीमा कम्पनीमध्ये सर्बाधिक लाइफ इन्स्योरेन्स कर्पोरेशन (एलआइसी) नेपालबाट सरेण्डर भएको छ । कम्पनीबाट मात्रै १ अर्ब ५७ करोड ६६ लाख रुपैयाँ बराबरको बीमा पोलिसी त्याग भएको छ । जुन यो जीवन बीमा क्षेत्रबाट सरेण्डर भएको कुल रकमको ३२।६४ प्रतिशत रकम हो ।  

एलआइसी नेपालबाट मात्रै १० हजार ४८ वटा पोलिसी समर्पण भई बन्द भएका छन् ।  

त्यस्तै, नेपाल लाइफबाट ८ हजार ४०८ वटा पोलिसी बराबरको १ अर्ब ३७ करोड ४० लाख रुपैयाँ बराबरको पोलिसी सरेण्डर भएको छ भने सरकारी स्वामित्वमा भएको राष्ट्रिय जीवन बीमा कम्पनीबाट ३ हजार ८७५ वटा बीमालेखको ३७ करोड ४१ लाख रुपैयाँ बराबरको पोलिसी त्याग भएको छ ।  

यसका साथै नेशनल लाइफबाट १ हजार ९७९ वटा बीमालेखको २९ करोड ३१ लाख, एशियन लाइफबाट २ हजार ६२३ वटा बीमालेखको २७ करोड ९६ लाख रुपैयाँ, सुर्यज्योति लाइफबाट १ हजार ९१० वटा बीमालेखको २३ करोड ११ लाख रुपैयाँ, हिमालयन लाइफबाट २ हजार ४९८ वटा बीमालेखको २२ करोड ७४ लाख रुपैयाँ, सानिमा रिलायन्स लाइफबाट ६६३ वटा बीमालेखको ९ करोड ३१ लाख रुपैयाँ, आइएमई लाइफबाट ५८७ वटा बीमलेखको ५८७ वटा बीमालेखको ६ करोड ५४ लाख रुपैयाँ, सिटिजन लाइफबाट ९०३ वटा बीमालेखको ६ करोड ५२ लाख रुपैयाँ, प्रभु महालक्ष्मी लाइफबाट ४३२ वटा बीमालेखको ५ करोड ४९ लाख रुपैयाँ, रिलायबल नेपाल लाइफबाट ५८२ वटा बीमालेखको ३ करोड ६३ लाख रुपैयाँ र सन नेपाल लाइफबाट २३२ वटा बीमालेखको २ करोड २९ लाख रुपैयाँ बराबरको बीमा पोलिसी सरेण्डर भएको छ ।