स्टक ब्रोकर्श एशोसिएसन अफ नेपालका नवनर्वाचित पदाधिकारीद्वारा शपथ तथा पदभार ग्रहण

काठमाण्डौ । सेयर बजारका ब्रोकरहरुको छाता संगठन स्टक ब्रोकर्श एशोसिएसन अफ नेपालका नवनर्वाचित निर्वाचित पदाधिकारीले शपथ तथा पदभार ग्रहण गरेका छन् । काठमाण्डौको लाजिम्पाटमा अवस्थित र्याडिसन होटलमा बिहिबार आयोजित एक कार्यक्रमका बीच नवनिर्वाचित पदाधिकारीहरुले शपथ तथा पदभार ग्रहण गरेका हुन् ।  

यस्तै उक्त कार्यक्रममा नवनिर्वाचित पदाधिकारीरुहलाई नेतृत्व हस्तान्तरण समेत गरिएको छ ।  

शपथ तथा पदभार ग्रहण गर्नेमा अध्यक्ष सागर ढकाल, उपाध्यक्ष नितेश कुमार अग्रवाल,भक्तिराम घिमिरे,सचिव विनय रेग्मि,कोषाध्यक्ष मदन पौडेल तथा सदस्यहरुमा जेलिना पौडेल,विशाल अग्रवाल,जयन्त अग्रवाल,प्रियान्स अग्रवाल रहेका छन् ।  

उक्त कार्यक्रममा बोल्दै एशोसिएसनका निवर्तमान अध्यक्ष धर्मराज सापकोटाले नयाँ नेत्ृत्वले सम्पूर्ण ब्रोकरको हकहितका लागि काम गर्नुपर्ने बताए । ‘संगठन एक हुन आवश्यक छ । नयाँ नेतृत्वलाई सबैले सहयोग गुर्नपर्छ,’ उनले भने ।  

यस्तै उनले नयाँ नेतिृत्वलाई कानूनको दायरामा रहेर काम गर्न समेत आग्रह गरे ।  

यसैगरी नवनिर्वाचि अध्यक्ष ढकालले आफू निर्वाचनबाट निर्वाचित भएकाले स्टक ब्रोकर संघको हकहितलाई प्राथमिकतामा राखि काम गर्ने बताए ।  

गत मंसिर २१ गते स्टक ब्रोकर एशोसिएसन अफ नेपालको निर्वाचन सम्पन्न भएको थियो । जसमा सागर ढकालले राजकुमार तिमिल्सिनालाई १ मतले हराउँदै अध्यक्षमा बाजी मारेका थिए ।  

उक्त निर्वाचनमा ९२ मतदातामध्ये ८८ मत खसेको थियो । जसमा सागर ढकालले ४५ मत प्राप्त गरे भने तिमिल्सिनाले ४३ मत प्राप्त गरेका थिए ।