पाँच महिनामा २०.७७ अर्बबराबरको प्रत्यक्ष वैदेशिक लगानीको प्रतिबद्धता

काठमाण्डौ । पाँच महिनाको अवधिमा देशमा २० अर्ब ७७ करोड रुपैयाँबराबरको प्रत्यक्ष विदेशी लगानीको प्रतिबद्धता आएको छ । उद्योग विभागका अनुसार चालु आर्थिक वर्ष २०८१/८२ को पहिलो पाँच महिनामा यस्तो प्रतिबद्धता आएको  हो ।  

मंसिर मसान्तसम्म अटोमेटिक रुटबाट १ अर्ब १३ करोड रुपैयाँ र ‘अप्रुभल रुट’ बाट १८ अर्ब ६४ करोड रुपैयाँ बराबर एफडीआई प्रतिबद्धता आएको विभागले जनाएको छ । गत आवको मंसिरसम्म भने देशमा २० अर्ब ६१ करोड रुपैयाँबराबरको एफडीआई प्रतिबद्धता आएको थियो ।

यो अवधिमा अटोमेटिक रुटबाट १३८ र अप्रुभल रुटबाट १८१ गरी कुल ३१९ वटा उद्योग दर्ता भएका छन् । जसमध्ये ३१२ उद्योग साना, ४ वटा मझौला र ३ वटा ठूला उद्योग रहेका छन् ।