चैत महिनाका लागि ग्लोबल आइएमई बैंकको नयाँ ब्याजदर सार्वजनिक

काठमाण्डौ । ग्लोबल आइएमई बैंकले चैत महिनाका लागि नयाँ ब्याजदर सार्वजनिक गरेको छ । जसअनुसार बैंकले चैत महिनाका लागि व्यक्तिगत र मुद्दती निक्षेपतर्फ दुवैको ब्याजदर स्थिर राखेको छ ।  

बैंकले चैत महिनाका लागि व्यक्तिगत मुद्दती निक्षेपतर्फ अधिकतम ६ प्रतिशत र संस्थागतर्फ ४.५० प्रतिशत ब्याजदर दिने निर्णय गरेको छ । फागुन महिनाका लागि पनि बैंकको व्यक्तिगत र संस्थागत मुद्दती निक्षेपको यहि ब्याजदर कायम थियो ।  

बैंकले ३ देखि ६ महिनासम्मका लागि व्यक्तिगत निक्षेपका लागि ४ प्रतिशत,६ महिनादेखि १ वर्ष तलका लागि ४.५० प्रतिशत,१ वर्षदेखि २ वर्ष तलका लागि ५ प्रतिशत, २ वर्षदेखि ३ वर्ष मुनिका लागि ५.७५ र ३ वर्ष वा सोभन्दा माथिका लागि ६ प्रतिशत ब्याजदर दिइने बैंकले जनाएको छ ।  

संस्थागत निक्षेपकर्तालाई भने ६ महिनादेखि १ वर्ष तलका लागि ३ प्रतिशत,१ वर्षदेखि २ वर्ष तलका लागि ३.५० र २ वर्षदेखि ३ वर्ष मुनिका लागि ४.२५ र ३ वर्षभन्दा माथिका लागि ४.५० प्रतिशत ब्याजदरको व्यवस्था गरिएको छ ।