स्वरोजगार लघुवित्तको एफपीओ बाँडफाँड, १७.५८ लाख आवेदकको हात खाली

काठमाण्डौ ।  स्वरोजगार लघुवित्त वित्तीय संस्था लिमिटेडको एफपीओ बाँडफाँड भएको छ । एक समारोहका बीच आज बिक्री प्रबन्धक एनएमबी क्यापिटलको कार्यालयमा एफपीओ बाँडफाँड भएको हो ।  

क्यापिटलका अनुसार कम्पनीको एफपीओमा कुल १७ लाख ८० हजार ४५७ आवेदकबाट २ करोड १७ लाख १५ हजार ७५० कित्ता सेयर खरिदका लागि आवेदन परेको छ ।  

यसमध्ये २ करोड १६ लाख ७४ हजार २२० कित्ता सेयर खरिदका लागि परेको १७ लाख ७७ हजार ७९३ आवेदन सदर भएको छ । सदर भएका आवेदकहरुलाई १ लाख ९५ हजार ७७३ कित्ता सेयर बाँडफाँड गरिएको छ ।    

कुल आवेदकमध्ये १९ हजार ५७७ जनालाई १० कित्ताका दरले ३ लाख ५० हजार ९ सय कित्ता सेयर बाँडफाँड गरिएको छ ।  

यसरी बाँकी १७ लाख ५८ हजार २१६ जना आवेदकको हात भने रित्तो भएको छ ।  

संस्थाले गत फागुन १८ गतेदेखि २१ गतेसम्म हाल कायम चुक्तापूँजी ६७ करोड ११ लाख ४ हजार ९९३ रुपैयाँको कुल १ करोड ९५ लाख ७७ हजार ३०० रुपैयाँबराबरको प्रतिकित्ता १०० रुपैयाँ अंकित दरका १ लाख ९५ हजार ७७३ कित्ता एफपीओ सेयर निष्कासन गरेको थियो ।