बुधबारदेखि नेप्से सीईओको अन्तर्वार्ता हुँदै, अधिकांशको अनुभवको सर्टिफिकेट नक्कली भएको आशंका

काठमाण्डौं । नेप्सेको प्रमुख कार्यकारी अधिकृत ( सीईओ )पदको लागि नेपाल सरकारले अघिल्लो साता पाँच जनाको नाम सर्ट लिष्ट गरको थियो । सीईओ पदका लागि १० जनाको आवेदन परेकोमा योग्यताको आधारमा पाँचजनाको नाम मात्रै छनोट समितिले सर्ट लिष्टिङग गरेको थियो ।  

सर्टलिस्टमा चुडामणी चापागाईं, नारदकुमार लुइँटेल, पूर्णप्रसाद आचार्य, बद्रीप्रसाद प्याकुरेल र हेमन्त बस्याल परेका थिए । उनीहरुलाई व्यवसायिक कार्ययोजना प्रस्तुतीकरण र अन्तर्वार्ताका लागि चैत ६ गते बुधबार बोलाइएको छ । युवराज दाहाल, प्रवीण अधिकारी, विमलकुमार तिवारी, कृष्णबहादुर कार्की र मुकुन्दराज जोशी पहिलो चरणको सूचीमा परेनन् ।

छनोटमा नपरेका पाँच जना आवश्यक योग्यता तथा अनुभव नपुगेको कारण फालिएको अर्थमन्त्रालयस्थित उच्च स्रोतले जानकारी दिएको छ । हालको कार्यविधि अनुसार तत्कालिन सीईओ कृष्ण बहादुर कार्कीको पनि अनुभव नपुग्ने स्रोतले दाबी गर्यो ।  स्रोतका अनुसार सर्टलिष्टमा परेका पाँच जना आबेदकरुमध्य पनि अधिकांशले निजी क्षेत्रमा काम गरेको नक्कली अनुभव तथा चारित्रिक पत्र पेश भएको हुनसक्ने मन्त्रालय स्रोतले दाबी गर्यो । स्रोतले भन्यो, ‘छनोट समितिले पाँच जनाको नाम सर्ट लिष्ट गर्नै पर्ने कार्यविधिको कारण पाँच जनाको नाम छनोट गरेको हो । ती पाँच जनामा पनि धेरैले नीजि क्षेत्रका पब्लिकमा गएका कम्पनीहरुबाट आफूले काम गरे भन्दा बढी समयको अनुभव पत्र बनाएको हुन सक्ने स्रोतले दाबी गर्यो ।  

सर्टलिष्टमा परेका मध्येका एक नारद लुइँटेलको हाल कार्यविधिले तोके अनुसारको अनुभव पुग्दैन । कार्यबिधिमा भनिएको छ ‘पूँजीबजार वा वित्तिय क्षेत्र वा व्यबस्थापनसम्बन्धी कार्यमा कम्तीमा सात वर्ष उच्च ब्यबस्थापकिय क्षेत्रमा अनुभव सहित कम्तीमा १५ वर्षको अनुभव हुनुपर्ने ।’ यो व्यवस्गथाअनुसार लुइँटेलको अनुभव नपुग्ने स्रोतले दाबी गर्यो । 

स्रोतका अनुसार सर्लाही स्थायी घर भएका लुइँटेल तारागाउँ विकास समितिको सदस्य सचिव हुन् । २०७८ फागुनमा तत्कालीन संस्कृति, पर्यटन तथा नागरिक उड्डयनमन्त्री प्रेमबहादुर आलेले मन्त्रीस्तरीय निर्णयबाट उनलाई तारागाउँको सदस्य सचिवमा नियुक्ति गरेका थिए । उनी त्यसअघि पनि एक कार्यकाल सदस्य सचिव भइसकेका थिए । तर पुँजीबजार वा वित्तीय क्षेत्रमा काम गरेको अनुभव लुइँटेलसँग छैन । उनी साढे २ वर्ष मात्रै कम्पनी सचिव भएको स्रोतले दाबी गर्यो । उनी नेकपा एसका कार्यकर्ता पनि हुन् । 

यस्तै, हेमन्त बस्याल एक वर्ष अघि मात्रै एनआरएन इन्फ्रास्ट्रक्चर एन्ड डेभलपमेन्ट लिमिटेडका सीईओ भएका हुन् ।  नुवाकोटका स्थायी बासिन्दा बद्रीप्रसाद प्याकुरेल आरबीबी मर्चेन्ट बैंकिङ लिमिटेडका सीईओ तथा कम्पनी सचिव हुन् । उनको मर्चेन्ट बैकमा मात्रै अुनभव रहेको छ । 

त्यसैगरि झापा घर भएका चुडामणी चापागाईंलाई सानिमा लाइफ इन्स्योरेन्सबाट कार्यसम्पादन सन्तोषजनक नभएको कारण बर्खास्त गरिएको स्रोतले दाबी गर्यो ।  

अर्का एक आवेदक पूर्ण प्रसाद आचार्यको भने कृषी बिकास बैंकमा उच्च ब्यबस्थापकिय क्षेत्रमा ४ वर्ष र सीडीएसीमा ४ वर्षको अनुभवसहित ८ वर्षको अनुभव भएको पनि स्रोतले जानकारी दियो । यी पाँचै जनालाई कार्यविधि प्रस्तुति र अन्तरवार्ताको लागि बुधबार बिहान ७ बजे अर्थमन्त्रालयमा बोलाइएको छ ।  

प्रस्तुतिकरण र अन्तर्वार्ताका आधारमा सिफारिस समितिले ५ मध्येबाट तीनजनाको नाम छनौट गरी सरकारलाई सिफारिस गर्नेछ । त्यसपछि सरकारले तिनै तीन नाममध्येबाट एकजनालाई नेप्सेको सीईओ नियुक्त गर्नेछ ।