नेपाल रि इन्स्योरेन्सको खुद नाफा २७.४१% ले घट्यो, अधिकांश सूचक खस्कियो

काठमाण्डौ । नेपाल रि इन्स्योरेन्सले गत आर्थिक वर्षको चौथो त्रैमासिक रिर्पोट बल्ल सार्वजनिक गरेको छ । वित्रीय विवरणअनुसार कम्पनीको खुद नाफा २७।४१ प्रतिशतले घटेको छ ।  

गत आवमा कम्पनीले १ अर्ब १३ करोड १६ लाख रुपैयाँ मात्रै नाफा कमाएको छ । यो नाफा अघिल्लो आवको तुलनामा २७.४१ प्रतिशत कम हो । अघिल्लो आवमा कम्पनीले १ अर्ब ५५ करोड ८८ लाख रुपैयाँ नाफा कमाएको थियो ।  

साथै कम्पनीको व्यवसाय पनि ३.९३ प्रतिशतले घटेको छ । गत आवको अन्तिमसम्म कम्पनीले ९ अर्ब ४९ करोड २४ लाख रुपैयाँ प्रिमियम संकलन गरेको छ । अघिल्लो आवमा भने कम्पनीले ९ अर्ब ८८ करोड ३ लाख रुपैयाँ प्रिमियम कलेक्सन गरेको थियो ।  

त्यस्तै, कम्पनीको दाबी भुक्तानी पनि २०।२७ प्रतिशतले घटेको छ । अघिल्लो आवमा ७ अर्ब २२ करोड रुपैयाँ दाबी भुक्तनी दिएको यस कम्पनीले गत आवमा ५ अर्ब ७६ करोड रुपैयाँ बराबरको मात्रै दाबी भुक्तानी गरेको छ ।  

कम्पनीले मुनाफाको केही प्रतिशत रकम सेयरधनीलाई प्रतिफलका  रुपमा बाँड्नका लागि सञ्चित रहने रिटेन्ड अर्निङ समेत २१।२२ प्रतिशतले घटेको छ । रिटेन्ड अर्निङ कोषमा कम्पनीले ५२ करोड ९९ लाख रुपैयाँ सञ्चित गरेको छ । अघिल्लो आवमा भने कम्पनीले ६७ करोड २६ लाख रुपैयाँ यस्तो कोषमा सञ्चित गरेको थियो ।  

कम्पनीले बीमा कोष र महाविपत्ती कोषको आकार भने बढाएको छ । बीमा कोष २४.५५ प्रतिशत बढाएर ९ अर्ब २ करोड रुपैयाँ सञ्चित छ भने महाविपत्ती कोष २१.१५ प्रतिशत बढाएर कोषमा ३२ करोड ४० लाख रुपैयाँ सञ्चित रहेको छ ।  

त्यस्तै, कम्पनीको चुक्तापूँजी ४.७५ प्रतिशत बढेर १३ अर्ब ४२ करोड २१ लाख रुपैयाँ पुगेको छ ।  

अघिल्लो आवको अन्तिमसम्म १२.१७ रुपैयाँ रहेको कम्पनीको प्रतिसेयर आम्दानी (इपीएस)घटेर गत आवसम्म ८।४३ रुपैयाँ कायम भएको छ । साथै कम्पनीको प्रतिसेयर नेटवर्थ १४५ रुपैयाँ रहेको छ भने पीई रेसियो ९२.०४ रुपैयाँ छ ।