नेको इन्स्योरेन्सको लिलामी सेयरको बोलकबोल आज खोलिने

काठमाण्डौ । नेको इन्स्योरेन्स कम्पनी लिमिटेडले लिलामीमा राखेको अवितरित हकप्रद सेयरको बोलकबोल(गोप्य शिल्ड टेण्डर)आज खोलिने भएको छ ।

कम्पनीले लिलामीमा राखेको २ लाख २५ हजार २६१.३५ कित्ता अवितरित हकप्रद सेयरको बोलकबोल आज काठमाण्डौको नक्सालमा रहेको सानिमा क्यापिटलमा बिहान १० बजे खोलिने भएको हो ।

कम्पनीले गत वैशाख १२ गतेदेखि २१ गतेसम्म संस्थापक समूहतर्फको ४३ हजार ७७९.५२ कित्ता र सर्वसाधारण समूहतर्फको १ लाख ८१ हजार ४८१.८३ कित्ता गरी कुल २ लाख २५ हजार २६१.३५ कित्ता अवितरित हकप्रद सेयर बिक्रीमा राखेको थियो ।

कम्पनीले गत फागुन ८ गतेदेखि १४ गतेसम्म १ः०.२५ अनुपातमा निष्कासन गरेको थियो ।