.gif)
_(1).gif)
.png)
काठमाण्डौ । भनिन्छ, माया गर्नलाई उमेरले छेक्दैन भनेर । यो भनाई मिडिया टाइकुन रुपर्ट मर्डोकको हकमा हुबहु लागू भएको छ । ९२ वर्षिक अर्बपति रुपर्ट मार्डोक ५ औं विवाह गर्न गईरहेका छन् । जसको घोषणा उनले स्वयंम गरेका छन् । रिपोर्टका अनुसार उनले आफ्नो विवाहको मिति समेत घोषणा गरिसकेका छन् ।
द न्यूयोर्क टाइम्सको रिपोर्टका अनुसरा रुपक मर्डोकले सन् २०२४ मा आफ्नी प्रेमिका एलेना झुकोवासँग विवाहको योजना बनाएका छन् । गत वर्ष पनि उनको विवाह बारे चर्चा भएको थियो । तर त्यतिबेला उनले विवाहको घोषणा रद्द गरेका थिए ।
(1).gif)
रिपोर्टका अनुसार एलेना झुकोवा रुसको मस्कोमा बसोवास गर्छिन र उनको उमेर ६७ वर्ष रहेको छ । एउटा अर्को रिपोर्टका अनुसार झुकोवासँग मर्डोकको भेटघाट,उनकी तेस्रो श्रीमती वेंडी डेंगेले गराएकी थिइन् । भेटघाटपश्चात दुवैले केहि समयपश्चात विवाह बन्धनमा बाधिने निर्णय गरेका हुन् । मिडिया टाइकुन मर्डोकको अन्तिम पारपाचुके सन् २०२२ मा भएको थियो । अभिनेत्री तथा मोडल जेरी हलले डिभोर्स दिएपछि उनको चौथो वैवाहिक सम्बन्ध समाप्त भएको थियो ।
मर्डोकका ६ सन्तानका छन् । अष्ट्रेलियामा सन् १९३१ मा जन्मिएका मर्डोक अमेरिकाको धनाढ्यमध्ये एक हुन् । फोब्र्स बिलिनियर्स इन्डेक्सका अनुसार उनको कुल सम्पत्ति १८.९ अर्ब डलर रहेको छ ।
मर्डोक अमेरिका,अष्ट्रेलिया र बेलायतका ठूला पत्रिका र टिभी च्यानलका मालिक हुन् । बेलायतको चर्चित ‘द टाइम्स,सन्डे टाइम्स,द सन’ लगायत अन्य थुप्रै अखबारका उनी मालिक हुन् । यसका साथै उनी अमेरिकाको वाल स्ट्रिट जर्नल,न्यूयोर्क पोष्ट,सेभेन न्यून इन्फर्मेशन सर्भिसेस्,फक्स टिभी ग्रुप र स्काई इटालियामा मालिक हुन् । मनोरञ्जन कम्पनी ट्वान्टी फस्ट सेन्चुरी फक्स पनि उनकै हो । स्टार स्पोर्ट्स च्यानलमा पनि उनको स्वामित्व रहेको छ ।
यसका साथै नेशनल जियोग्राफिक र ब्रिटिश स्काई ब्रोड्कास्टरमा पनि उनको स्वामित्व रहेको छ । -एजेन्सी
.gif)
.png)
.jpg)
.jpg)
.jpg)
(1).gif)
.gif)
