.gif)
.gif)
.png)
.png)
काठमाण्डौ । स्वाास्थ्य बीमा बोर्डमा करार सेवाका लागि छनोट भएका १८० जनामध्ये ११० जना मेडिकल अधिकृतले नियुक्ति पत्र लिन अस्वीकार गरेका छन् । कार्य विवरणप्रति असन्तुष्टि जनाउँदै ११० जना मेडिकल अधिकृतले नियुक्तिपत्र नलिने निर्णय गरेका हुन् ।
मेडिकल अधिकृतहरुले दैनिक ४ सय दाबी मूल्यांकन गर्ने लक्ष्य अव्यवहारिक र कार्यसमयमा थप ओभरटाइम गर्ने व्यवस्था श्रम अधिकार विपरीत भएको भन्दै असन्तुष्टि जनाएका हुन् ।
उनीहरुले कार्य विवरणको बुँदा नम्बर ११ मा उल्लेखित प्रत्येक कार्यदिन ४ सय वटा दाबी मूल्यांकन गर्नुपर्ने वा २५ देखि ३० लाख रुपैयाँसम्मको मूल्यांकन पुरा गर्नुपर्ने लक्ष्यलाई अव्यवहारिक बताउँदै आपत्ति जनाएका हुन् ।
यसका साथै बुुँदा नम्बर १२ मा तोकिएको कार्यसमय (बिहान १० देखि साँझ ५ बजेसम्म)मा लक्ष्य पुरा गरेपछि थप ४ घण्टा ओभरटाइम गर्न सकिने व्यवस्था पनि श्रम अधिकार विपरीत रहेको भन्दै यो व्यवस्थाप्रति आपत्ति जनाएका छन् ।
त्यस्तै कार्य विवरण अनुसारको कार्य सम्पन्न भएको व्यहोरा सुपरभाइजरबाट प्राप्त भएपछि मात्रै पारिश्रमिक भुक्तानी गरिने व्यवस्थामा पनि उनीहरुको चित्त नबुझेपछि नियुक्तिपत्र लिन अस्वीकार गरेका हुन् ।
.png)
.jpg)
.jpg)
.jpg)
प्रतिक्रिया
0 प्रतिक्रियाअहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।