सिटिजन्स बैंकद्वारा ५.२६ प्रतिशत लाभांश घोषणा

काठमाण्डौ । सिटिजन्स बैंक इन्टरनेशनल लिमीटेडले आफ्ना सेयरधनीलाई ५.२६ प्रतिशत लाभांश वितरणको घोषणा गरेको छ।  

बैंकको असोज १० गते शुक्रबार बसेको सञ्चालक समितिको ४९१ आंै बैठकले आर्थिक वर्ष २०८१/८२ को मुनाफाबाट ५.२६ प्रतिशत लाभांश वितरणको निर्णय गरेको हो । 

सञ्चालक समितिको प्रस्तावअनुसार घोषित लाभांशमध्ये ५ प्रतिशत बोनस सेयर र कर प्रयोजनका लागि ०.२६ प्रतिशत नगद लाभांश रहेको छ ।  

बैंकको २०८२ असार मसान्तको चुक्तापूँजी १४ अर्ब ७६ करोड ९० लाख रुपैयाँ रहेको छ । यो हिसाबले बैंकले सेयरधनीलाई ७३ करोड ८४ लाख ५० हजार रुपैयाँ बराबरको बोनस सेयर र कर प्रयोजनका लागि ३ करोड ८८ लाख ६५ हजार रुपैयाँ बराबरको नगद लाभांशसहित कुल ७७ करोड ७३ लाख १६ हजार रुपैयाँ बराबरको लाभांश प्रस्ताव गरेको हो । 

प्रस्तावित लाभांश नेपाल राष्ट्र बैंकले स्वीकृति तथा बैंकको आगामी वार्षिक साधारण सभाले पारित गरेपछि शेयरधनीले पाउनेछन् ।