भौतिक पूर्वाधारण पुनर्निमाण कोषमा निफ्राको एक करोड सहयोग

काठमाण्डौ । नेपाल इन्फ्रास्ट्रक्चर बैंक (निफ्रा)ले सरकारले हालै बनाएको भौतिक पूर्वाधार पुनर्निमाण कोषमा १ करोड रुपैयाँ सहयोग गरेको छ । 

भदौ २३ र २४ गतेको जेनजी आन्दोलनका क्रममा भौतिक संरचनाहरुमा आगजनी र तोडफोड भई ठूलो क्षति भएकोमा त्यस्ता भौतिक संरचनाको पुनर्निमाण, आर्थिक पुनरुत्थान तथा राहतलगायतका कार्यमा केही सहयोग पुगोस् भन्ने हेतुले बैंकको संस्थागत सामाजिक उत्तरदायित्वअन्तर्गत नेपाल सरकारबाट हालै स्थापना गरिएको भौतिक पूर्वाधार पुनर्निमाण कोषमा रु. १ करोड सहयोग गरेको बैंकले जनाएको छ । 

उक्त सहयोग रकम बराबरको चेक बैंकका प्रमुख कार्यकारी अधिकृत कृष्णबहादुर अधिकारीले असोज १२ गते अर्थमन्त्री रामेश्वर खनाललाई अर्थमन्त्रालयमै पुगेर हस्तान्तरण गरेका थिए।