धौलागिरि बिजनेस लिंकद्वारा बाटिक शोः द फ्युजन एडिसन सम्पन्न

काठमाण्डौ । नेपाली टेक्सटाइल व्यवसायमा चार दशक लामो इतिहास बोकेको धौलागिरि बिजनेस लिंक प्रालिले द सोल्टी काठमाण्डौमा बाटिक शोः द फ्युजन एडिसन समारोहमा आफ्नो नयाँ ‘सेट लुङ्गी’ कलेक्सन सार्वजनिक गरेको छ ।

यस संस्थाले विगत ४० वर्षदेखि नेपाली बजारमा नयाँ डिजाइन सहित उचित मूल्यमा भरपर्दो गुणस्तरका कपडाहरु प्रदान गर्दै आइरहेको छ । द सोल्टिको मेघा–मलार हलमा निति शाहा, सनिशा भट्टराई, प्रेमा लमगाडे लगायत अन्य चर्चित मोडल अनि कलाकारले ¥याम्प वाल्क सहित यस नयाँ सेटको प्रदर्शन गरेका हुन् । उक्त प्रदर्शनीमा नेपाली साँस्कृतिक पोषाक एवम् परम्परालाई आधुनिक फेशनसँग मिश्रित गरी प्रास्तुत गरिएको पाइन्छ ।

कम्पनिको प्रतिनिधि गर्दै अनुप गोयल भन्छन्, ‘आजको कार्यक्रमले मौलिक नेपाली फेसनलाई झल्काउनका साथै सबैमाझ एक आरामदायी, किफायती अनि झनझट रहित सहजै लगाउन मिल्ने पोषाक लिएर आउने प्रयत्न गरेको छ ।’

प्रस्तुत गरिएका डिजाइनर कपडाहरु शतप्रतिशत उच्च गुणस्तरको सुतीबाट बनाइएको वहाँको भनाइ छ भने यसमा वातावरण मैत्री अनि सुरक्षित डाइको प्रयोग भएको उनले बताएका छन् । दैनिक प्रयोजनका लागि सो कपडा अत्यन्तै सहज रहेको अनि यो सबै वर्गका उपभोक्ताका लागि किफायती रहेको छ ।

डिजाइनरहरू सनिशा जोशी, रीजा मानन्धर र लिलम चौधरीले प्रस्तुत गरेका कलेक्सनहरूमा परम्परागत बाटिकलाई आधुनिक फ्युजन सिलुएटसँग जोडिएको देख्न सकिन्थ्यो ।