धितोपत्र बजार पूँजीकरण बढाउन उत्पादन तथा प्रशोधन समूह अब्बल, कुन समूहको कति ?

काठमाण्डौ । धितोपत्र बजारमा पूँजीकरण बढाउन सबैभन्दा उत्पादन तथा प्रशोधन समूह अब्बल देखिएको छ । चालु आवको दोस्रो त्रैमाससम्म यो समूहको धितोपत्र बजार पूँजीकरण ३ खर्ब ४ अर्ब ५७ करोड ६१ लाख रुपैयाँ रहेको छ ।

यो पूँजीकरण गत आवको सोही अवधिसम्मको तुलनामा ३५.४९ प्रतिशत बढी हो । गत आवको सोही अवधिसम्म यो समूहको धितोपत्र बजार पूँजीकरण २ खर्ब २४ अर्ब ८० करोड २५ लाख रुपैयाँ थियो ।

धितोपत्र बजार पूँजीकरण धेरै घटकहरुको संयोजनबाट बढ्ने गर्दछ । बजारमा सूचीकृत रहेका काम्पनीहरुको कुल बजार मूल्य नै बजार पुँजीकरण हो । सूचीकृत कम्पनीको सेयरको मूल्य र त्यसको कुल संख्या गुणा गरेर पुँजीकरण गणना गरिन्छ ।  

बजार पुँजीकरण बढ्नमा कम्पनीहरुको सेयरभाउमा बृद्धि, नयाँ कम्पनीहरुको सूचीकरण, बोनस सेयर सूचीकरण, बजारको बृद्धि, रिटेल र संस्थागत लगानीकर्ताको बृद्धि र सकारात्मक आर्थिक संकेतहरुले धितोपत्र बजार पुँजीकरण बढाउन सहयोग पुर्याउँदछ । साथै कम्पनीको मुनाफाले पनि पुँजीकरण बढाउनमा सहयोग पुर्याउछ ।  

चालु आवको दोस्रो त्रैमाससम्ममा नेप्सेमा सूचीकृत कम्पनीहरूको संख्या २८४ पुगेको छ । सूचीकृत कम्पनीहरूमध्ये १३२ बैंक तथा वित्तीय संस्था र बीमा कम्पनी रहेका छन् भने ९७ हाइड्रोपावर कम्पनी, २६ उत्पादन तथा प्रशोधन उद्योग, ८ होटल, ७ लगानी कम्पनी, ४ व्यापारिक संस्था र १० अन्य समूहका रहेका छन् । २०८१ पुसमा सूचीकृत कम्पनीहरूको सङ्ख्या २६७ रहेको थियो ।

यसर्थमा एक वर्षमा नेप्सेमा १७ वटा नयाँ कम्पनी थपिएका छन् । जसमा बैंक वित्तीय संस्था समूहको ३ कम्पनी, ६ वटा हाइड्रो, ४ वटा उत्पादन तथा प्रशोधन समूह, एउटा होटल र ३ अन्य समूहका कम्पनी छन् ।

चालु आवको दोस्रो त्रैमासम्म धितोपत्र बजार पूँजीकरण ४४ खर्ब ३५ अर्ब ३ करोड १७ लाख रुपैयाँ पुगेको छ । जुन यो गत आवको सोही अवधिसम्म्को तुलनामा ३.०७ प्रतिशत बढी हो । गत आवको सोही अवधिसम्म धितोपत्र बजार पूँजीकरण ४३ खर्ब २ अर्ब ८८ करोड ३६ लाख रुपैयाँ थियो ।

होटल समूह, विकास बैंक समूह, उत्पादन तथा प्रशोधन समूह, लगानी समूह, माइक्रोफाइनान्स समूह, वाण्ज्यि बैंक र अन्य समूहको बजार पूँजीकरण हिस्सा बढेको छ भने हाइड्रो समूह, बीमा समूह, व्यापार समूह र फाइनान्स समूहको बजार पूँजीकरण भने घटेको छ ।

त्यस्तै, दोस्रो धेरै पूँजीकरण बढाउने समूहमा अन्य समूह रहेको छ । यो समूहको बजार पूँजीकरण २६.१५ प्रतिशतले बढेको छ । गत आवको दोस्रो त्रैमाससम्म ३ खर्ब ६५ अर्ब २९ करोड रुपैयाँ रहेको धितोपत्र बजार पूँजीकरण चालु आवको दोस्रो त्रैमाससम्म ४ खर्ब ६० अर्बै ८१ करोड रुपैयाँ पुगेको छ ।