प्रभु क्यापिटलका फण्डहरुको वित्तीय अवस्थामा उल्लेख्य सुधार, लगानीसँगै न्याभ पनि बढ्यो

काठमाण्डौ । प्रभु क्यापिटल लिमिटेड अन्तर्गत तीनवटा म्युचुअल फण्ड सञ्चालनमा छन् । जसमध्ये दुई बन्दमुखी योजना रहेका छन् भने एउटा खुलामुखी योजना रहेको छ ।

क्यापिटलका फण्डहरुको वित्तीय अवस्था सुधारोन्मुख हुँदै गएको छ । चालु आवको दोस्रो त्रैमास अर्थात् पुस मसान्तसम्ममा क्यापिटलका तीनवटै फण्डले सेयरबजारमा उल्लेखनीय लगानी बढाएका छन् ।

हाल सञ्चालनमा रहेका प्रभु स्मार्ट फण्ड, प्रभु सेलेक्ट फण्ड र प्रभु सिस्टमेटिक इन्भेष्टमेन्ट स्किमले पुष मसान्तसम्म २ अर्ब ७२ करोड ८४ लाख रुपैयाँ सेयरबजारमा लगानी गरेको छ ।

यो रकम अघिल्लो महिना अर्थात् मंसिरको तुलनामा ३.३५ प्रतिशत बढी हो । मंसिरमा क्यापिटलका उक्त फण्डहरुले सेयरबजारमा २ अर्ब ६४ करोड रुपैयाँ लगानी गरेको थियो ।

सो अवधिसम्म सबैभन्दा खुलामुखी योजना प्रभु सिस्टमेटिक इन्भेष्टमेन्ट स्मिले लगानी बढाएको छ । मंसिरमा २७ करोड ८३ लाख रुपैयाँ सेयरबजारमा लगानी गरेको यो फण्डले पुष मसान्तमा १३.३२ प्रतिशत बढाएर ३१ करोड ५३ लाख ६३ हजार रुपैयाँ लगानी गरेको छ ।

यता प्रभु सेलेक्ट फण्डले सेयरबजारमा १ अर्ब ३१ करोड ४५ लाख रुपैयाँ लगानी गरेको छ । यो रकम मंसिर महिनाको तुलनामा ३.०६ प्रतिशत बढी हो । मंसिरमा यो फण्डले १ अर्ब २७ करोड ७५ लाख रुपैयाँ लगानी गरेको थियो ।

त्यस्तै, प्रभु स्मार्ट फण्डले पनि १.१४ प्रतिशतले लगानी बढाएको छ । मंसिरमा यो फण्डको सेयरबजारमा १ अर्ब ८ करोड ६२ लाख रुपैयाँ बराबरको लगानी रहेकोमा पुष महिनासम्ममा बढेर १ अर्ब ९ करोड ८५ लाख रुपैयाँ पुगेको छ ।

फण्डहरुले सेयरबजारमा उल्लेखनीय लगानी बढाएका कारण प्रतिइकाई खुद सम्पत्ति मूल्य ९न्याभ०मा सुधार देखिएको छ । साथै पछिल्लो समय सेयरबजारमा सुधार नदेखिदा घाटा ब्यहोरेका बन्दमुखी योजनाहरुले पुष मसान्तसम्म आइपुग्दा भने घाटा कम गरेका छन् ।

प्रभु सेलेक्ट फण्डले पुष महिनासम्ममा ६३।२२ प्रतिशतले घाटा कम गरेको छ । यो फण्डको न्याभ बढेर १२.०३ रुपैयाँ पुगेको छ । अघिल्लो महिनामा यो फण्डको न्याभ ११.६४ रुपैयाँ रहेको थियो ।

त्यस्तै, प्रभु स्मार्ट फण्डले पनि ६० प्रतिशतले घाटा कम गरेको छ । अघिल्लो महिना ६ करोड २२ लाख रुपैयाँ घाटा ब्यहोरेको यो फण्डले पुस महिनामा २ करोड ८२ लाख रुपैयाँ मात्रै घाटा व्यहोरेको छ । फण्डको न्याभ पनि ११.९१ रुपैयाँबाट बढेर १२.२९ रुपैयाँ पुगेको छ ।

यता खुलामुखी योजना प्रभु सिस्टमेटिक इन्भेष्टमेन्ट स्किमले भने २२ लाख ४६ हजार रुपैयाँ नाफा कमाएको छ । अघिल्लो महिनामा यो फण्ड ७३ लाख ४८ हजार रुपैयाँ घाटामा रहेको थियो । नाफामा उक्लिएसँगै फण्डको न्याभा ९.८६ रुपैयाँबाट बढेर १०.१० रुपैयाँ पुगेको छ ।