.gif)
_(1).gif)
.jpg)
.png)
काठमाण्डौ । नेपाल धितोपत्र बोर्ड (सेबोन)ले पौने २५ अर्ब रुपैयाँको धितोपत्र सार्वजनिक निष्कासनका लागि अनुमति प्रदान गरेको छ । नेपाल राष्ट्र बैंकका अनुसार चालु आवको ८ महिनासम्ममा सेबोनले २४ अर्ब ७८ करोड रुपैयाँ बराबरको धितोपत्र निष्कासन गर्न अनुमति दिएको हो ।
जसमा बोर्डले ९ अर्ब ८० करोड रुपैयाँ बराबरको साधारण शेयर (आईपीओ), ६ अर्ब २ करोड रुपैयाँ बराबरको डिबेन्चर, ५ अर्ब ४६ करोड रुपैयाँ बराबरको हकप्रद शेयर र ३ अर्ब ५० करोड रुपैयाँ बराबरको म्युचुअल फण्ड रहेका छन् ।
(1).gif)
गत पुष २० गतेदेखि धितोपत्र बोर्ड अध्यक्षबिहिन छ । बोर्डमा अध्यक्ष नहुँदा तीन महिनायता कुनै कम्पनीको धितोपत्र सार्वजनिक निष्कासन भएको छैन । तीन सिमेन्टसहित ३५ वटा कम्पनी आईपीओ र १३ वटा कमपनी हकप्रद निष्कासनको लागि धितोपत्र बोर्डको पाइपलाइनमा छन् ।
अर्थमन्त्री वर्षमान पुनको निर्देशनपश्चात् धितोपत्र बोर्डले पाइपलाइनमा रहेका कम्पनीहरुको आईपीओ र हकप्रद निष्कासलाई अनुमति दिने तयारी गरेको छ ।
त्यस्तै, चालु आवको ८ महिनामा नेपाल स्टक एक्सचेञ्ज (नेप्से)मा १ खर्ब २ अर्ब ७४ करोड रुपैयाँ बराबरको धितोपत्र सूचीकृत भएका छन् । जसमा ६८ अर्ब ८५ करोड रुपैयाँ बराबरको साधारण शेयर ९आइपीओ०, १७ अर्ब ७९ करोड रुपैयाँ बराबरको हकप्रद शेयर, १६ अर्ब ७ करोड रुपैयाँ बराबरको बोनस शेयर र ३ करोड रुपैयाँ बराबरको एफपीओ रहेका छन् ।
.gif)
.png)
.png)
(68).jpg)
(25).jpg)
(90).jpg)
.gif)
(1).gif)
.gif)
