झापा-५ मा उत्साहजनक मतदान, ४५% बढीले भोट हालिसके

झापा । यसपटकको संसदीय निर्वाचनको इपीसेन्टर झापा-५ मा उत्साहजनक सहभागिता भइरहेको छ ।  

जिल्ला निर्वाचन कार्यालयका अनुसार पूर्व प्रधानमन्त्री तथा एमालेका अध्यक्ष केपी शर्मा ओली र राष्टिय स्वतन्त्र पार्टीका वरिष्ठ नेता बालेन शाहबीच कडा प्रतिस्पर्धा रहेको सो क्षेत्रमा साढे १ बजेसम्म ४५ प्रतिशत बढी मत खसिसकेको छ । 

उत्साहजनक ढंगले मतदान भइरहेको सो क्षेत्रका कुनै पनि केन्द्रमा हालसम्म कुनै लफडा भएको छैन । सबै मतदान केन्द्रहरुमा शान्तिपूर्ण ढंगले मतदानको प्रक्रिया जारी रहेको निर्वाचन अधिकृतको भनाई छ ।