सुदूरपश्चिममा करिब ३० प्रतिशत मतदान

काठमाण्डौ । प्रतिनिधिसभा निर्वाचनअन्तर्गत सुदूरपश्चिम प्रदेशमा हालसम्म करिब ३० प्रतिशत मतदान भएको छ। प्रदेश निर्वाचन कार्यालयका अनुसार अपराह्नसम्म २९.६६ प्रतिशत मत खसेको हो।

कार्यालयले दिएको विवरणअनुसार हालसम्म ५ लाख ९ हजार २ सय मतदाताले मतदान गरिसकेका छन्। तीमध्ये २ लाख ६० हजार ४७८ महिला, २ लाख ४८ हजार ७२१ पुरुष र १ जना अन्य मतदाता रहेका छन्।

प्रदेशमा कुल १७ लाख १६ हजार ६६० मतदाता रहेका छन्। यस प्रदेशबाट संघीय संसदको तल्लो सदन प्रतिनिधि सभाका १६ सदस्य चयन गर्न मतदान भइरहेको छ।