काठमाण्डौको कुन क्षेत्रको मतगणना कहाँ हुँदैछ ?(सूचिसहित)

काठमाण्डौ । प्रतिनिधिसभा सदस्य निर्वाचन सम्पन्न भएसँगै काठमाडौँका विभिन्न क्षेत्रमा मतगणनाको तयारी सुरु भएको छ।

निर्वाचन आयोगका अनुसार काठमाडौँ क्षेत्र नं. १ को मतगणना सहकारी विभागमा गरिनेछ। क्षेत्र नं. २ को मतगणना कागेश्वरी मनोहरा नगरपालिकाको कार्यालयमा, क्षेत्र नं. ३ को चामुण्डा माध्यमिक विद्यालय नारायणटारमा र क्षेत्र नं. ४ को मतगणना बूढानीलकण्ठ नगरपालिकाको कार्यालयमा हुनेछ।

त्यसैगरी क्षेत्र नं. ५ को मतगणना टोखा नगरपालिका–५ स्थित श्री समाज भवनमा गरिनेछ भने क्षेत्र नं. ६ को मतगणना तार्केश्वर नगरपालिका–धर्मस्थलीमा हुने आयोगले जनाएको छ।

क्षेत्र नं. ७ को मतगणना नयाँबजारस्थित जुडो हलमा, क्षेत्र नं. ८ को जनउद्धार माध्यमिक विद्यालय हरिसिद्धीमा, क्षेत्र नं. ९ को चन्द्रागिरि नगरपालिका बलम्बुमा तथा क्षेत्र नं. १० को मतगणना त्रिभुवन विश्वविद्यालयको स्मृति भवन, कीर्तिपुरमा गरिने तयारी गरिएको छ।