तोलामा रु.१४ हजार ६०० सयले बढ्यो सुनको भाउ, चाँदीको के भयो ?

काठमाण्डौ । नेपाली बजारमा आज सुनको भाउ बढेको छ । निरन्तर घट्दै गएको सुनको भाउ आज तोलामै १४ हजार ६०० रुपैयाँले बढेको हो ।  

नेपाल सुनचाँदी व्यवसायी महासंघका अनुसार आजको लागि सुनको मूल्य प्रतितोला २ लाख ८८ हजार ५०० रुपैयाँ कायम गरिएको छ । अघिल्लो दिन सुनको मूल्य प्रतितोला २ लाख ७३ हजार ९०० रुपैयाँ रहेको थियो ।  

सुनसँगै चाँदीको मूल्य पनि वृद्धि भएको छ । महासंघका अनुसार आज चाँदीको मूल्य प्रतितोला ४१५ रुपैयाँ बढेर ४ हजार ९२० रुपैयाँ पुगेको छ । अघिल्लो दिन चाँदीको मूल्य प्रतितोला ४ हजार ५०५ रुपैयाँ रहेको थियो ।