बिदाइअघि प्रधानमन्त्री कार्की राष्ट्रलाई सम्बोधन गर्दै

काठमाण्डौ । प्रधानमन्त्री सुशीला कार्कीले राष्ट्रका नाममा सम्बोधन गर्ने तयारी गरेकी छन्। प्रधानमन्त्रीको सचिवालयका अनुसार केहीबेरमै उनले देशवासीलाई सम्बोधन गर्ने कार्यक्रम तय गरिएको छ।

भदौ २३ र २४ गते भएको जेनजी आन्दोलनपछि तत्कालीन केपी शर्मा ओली नेतृत्वको सरकार पतन भएको थियो। त्यसपश्चात् नागरिक सरकारको नेतृत्व सम्हाल्दै कार्की पहिलो प्रधानमन्त्रीका रूपमा सत्तामा आएकी थिइन्।

छ महिनाभित्र निर्वाचन सम्पन्न गरी सत्ता हस्तान्तरण गर्ने म्यान्डेटअनुसार कार्की नेतृत्वको सरकारले शान्तिपूर्ण रूपमा निर्वाचन गराएको थियो। सो निर्वाचनमा राष्ट्रिय स्वतन्त्र पार्टी (रास्वपा) ले करिब दुई तिहाइ बहुमत हासिल गर्दै एकल सरकार गठन गर्ने अवस्था बनेको छ।

यसैबीच, रास्वपाका वरिष्ठ नेता बालेन्द्र शाह शुक्रबार प्रधानमन्त्री बन्ने तयारीमा छन्। सत्ता हस्तान्तरण अघि कार्कीले राष्ट्रका नाममा सम्बोधन गर्न लागेकी हुन्।