२१ कम्पनीलाई वार्षिक नवीकरण शुल्क बुझाउन नेप्सेको ताकेता

काठमाण्डौ । नेपाल स्टक एक्सचेञ्ज (नेप्से)ले वार्षिक नवीकरण शुल्क बुझाउन सूचना जारी गरेको छ ।  नेप्सेले २१ कम्पनीको सूचीसहित उक्त कम्पनीहरुलाई वार्षिक नवीकरण शुल्क बुझाउन भनेको हो ।  

धितोपत्र विनियमावली, २०७५ को अनुसूची ३ मा भएको व्यवस्था बमोमिज धितोपत्रको वार्षिक नवीकरण शुल्क हालसम्म पनि नबुझाएको हुँदा सम्बन्धित कम्पनीहरुलाई नेप्सेले पत्राचार गरिसकेको जनाएको छ ।  

साथै नेप्सेले प्रकाशित सूचनालाई आधार मानी बाँकी बक्यौता रकम जरिवाना सहित बुझाउन अनुरोध गरेको छ ।  

नेप्सेले आफ्नो बैंक खाता ‘ग्लोबल आइएमई बैंक’मा नेप्से अपरेटिक अकाउन्ट नामक ‘०७५०१०१००००७७५’ खातामा रकम जम्मा गर्न भनेको छ ।  

५० करोड रुपैयाँसम्म चुक्तापूँजी भएका कम्पनीले वार्षिक शुल्क ५० हजार रुपैयाँ र ५० करोड भन्दा बढी चुक्तापूँजी भएका कम्पनीले वार्षिक शुल्क १ लाख रुपैयाँ तिनुपर्ने नेप्सेले जनाएको छ ।  

साथै तोकिएको समयमा नवीकरण शुल्क नबुझाएमा नवीकरण शुल्कको वार्षिक १० प्रतिशतका दरले जरिवाना लाग्ने नेप्सेले जनाएको छ ।