(2).gif)
.png)
काठमाण्डौं । चालू, आर्थिक वर्ष २०८२/८३ को चैत मसान्तसम्म पूर्वी नाका काँकरभिट्टाबाट रु १६ अर्ब ८१ करोड ३६ लाख ३० हजार बराबरको पेट्रोलियम पदार्थ आयात भएको छ।
मेची भन्सार कार्यालयका सूचना अधिकारी तथा भन्सार अधिकृत ईश्वरकुमार हुमागाईँका अनुसार उक्त अवधिमा पेट्रोल, डिजेल, एलपी ग्यास, एटीएफ र कोइलालगायतका सामग्री आयात भएका छन्।
(2).gif)
.gif)
(1).gif)
यस अवधिमा पेट्रोलियम पदार्थबाट मात्रै रु ७ अर्ब ४४ करोड ७८ लाख १८ हजार राजस्व संकलन भएको उनले जानकारी दिए।
कार्यालयको तथ्यांकअनुसार रु ७ अर्ब ७५ करोड ९४ लाख मूल्य बराबरको ८३ हजार ४४८ किलोलिटर पेट्रोल आयात भएको छ।
त्यसैगरी, रु ५ अर्ब ८७ करोड १८ लाख बराबरको ५५ हजार २४ किलोलिटर डिजेल भित्रिएको छ।
.gif)
(1).gif)
त्यस्तै, रु १ अर्ब ९० करोड ५९ लाख मूल्य बराबरको १९ हजार १३६.६९३ मेट्रिक टन एलपी ग्यास आयात भएको छ।
साथै, रु ५७ करोड ५१ लाख बराबरको ५ हजार ९८८ किलोलिटर एटीएफ र रु ७० करोड १२ लाख मूल्य बराबरको ३४ हजार ५२४.४९० मेट्रिक टन कोइला आयात भएको सूचना अधिकारी हुमागाईँले बताएका छन्।
.png)
.jpg)
.jpg)
